МҮХАҮТ HRDD ПРАКТИК ХЭРЭГСЭЛ БОЛОВСРУУЛЖ БАЙНА
Европын Холбооны санхүүжилттэй SOCIEUX+ төслийн хүрээнд 2026 оны 9 дүгээр сарын 21-нээс 10 дугаар сарын 2-ны өдрүүдэд Польш, Испани улсын экспертүүд Монгол Улсад ажиллаж, аж ахуйн нэгжүүдэд зориулсан Хариуцлагатай бизнесийн үйл ажиллагаа (RBC) болон Хүний эрхийн магадлан шинжилгээ (HRDD)-ний практик хэрэгсэл (Toolkit) боловсруулах үйл ажиллагааг хэрэгжүүлж байна.
Үйл ажиллагааны эхний өдөр SOCIEUX+ төслийн экспертүүд МҮХАҮТ-ын Дэд захирал Ч.Баттулга, Ерөнхийлөгчийн зөвлөх М.Сарандаваа болон газар, нэгжүүдийн удирдлагуудтай уулзаж, төслийн зорилго, хэрэгжүүлэх аргачлал болон цаашдын хамтын ажиллагааны талаар санал солилцлоо.
Мөн МҮХАҮТ-ын ажилтнууд болон орон нутгийн танхимуудын төлөөлөлд RBC, HRDD болон ESG-ийн үндсэн ойлголт, тэдгээрийг байгууллагын үйл ажиллагаанд хэрэгжүүлэх арга замын талаар сургалт зохион байгууллаа. Сургалтыг Европын Холбооны Төлөөлөгчийн газрын Хамтын ажиллагааны багийн ахлагч Адриен Мүрг нээж оролцлоо.
Төслийн хүрээнд боловсруулж буй HRDD Toolkit нь HRDD болон RBC-ийн үндсэн ойлголт, хүний эрхийн эрсдэлийн үнэлгээ, нийлүүлэлтийн сүлжээний магадлан шинжилгээ, гомдол шийдвэрлэх механизм, жендэрийн эрх тэгш байдал гэсэн таван үндсэн модулиас бүрдэх бөгөөд модуль бүрд аж ахуйн нэгжүүд өдөр тутмын үйл ажиллагаандаа ашиглах боломжтой практик зөвлөмж, чеклист болон загвар хэрэгслүүдийг багтаахаар төлөвлөж байна.
Энэхүү хамтын ажиллагааны үр дүнд МҮХАҮТ нь гишүүн аж ахуйн нэгжүүдэд хариуцлагатай бизнесийн үйл ажиллагаа болон хүний эрхийн магадлан шинжилгээний чиглэлээр практик арга хэрэгсэл, зөвлөмж, сургалт хүргэх чадавхаа бэхжүүлэх юм.
