МҮХАҮТ-ын гишүүд, бизнес эрхлэгч та бүхний амар амгаланг эрэн мэндчилье.
МҮХАҮТ нь 2024-2027 онд хувийн хэвшлийн нийтлэг эрх ашгийг хамгаалах, эдийн засаг дах оролцоог нэмэгдүүлэх, бизнес эрхлэх хууль эрх зүйн орчинг сайжруулах, төр хувийн хэвшлийн үр дүнтэй түншлэлийг хөгжүүлэх зорилтуудыг дэвшүүлэн ажиллаж байна.
Мөн аж ахуйн нэгж хоорондын хамтын ажиллагаа, түүний дотор судалгаа, хөрөнгө оруулалт болон худалдан авалтын чиглэлээр хамтын ажиллагааг дэмжиж харилцан суралцах, мэдээлэл туршлага солилцох боломжийг бий болгоход онцгойлон анхаарна.
Аж ахуйн нэгжүүдийг бизнесийн ёс зүй, компанийн засаглалаа сайжруулахад нь дэмжлэг, туслалцаа үзүүлэх ажлуудаа танхим үргэлжлүүлэн хийхийн зэрэгцээ нийгмийн тулгамдсан асуудлуудыг шийдэх тэдний санаачилгуудыг нэгтгэн уялдуулах ажлыг зохион байгуулах тал дээр чармайх болно.
Бизнес эрхлэх таатай орчныг бүрдүүлэх, улмаар хууль эрх зүйн ба бодлогын тогтвортой байдлыг хангахад бизнес эрхлэгч Та бүхний санал, идэвхтэй оролцоо ихээхэн чухал бөгөөд бизнесийн нийтлэг эрх ашгийн төлөөх аливаа үйл ажиллагааг танхимын зүгээс дэмжин ажиллахаа илэрхийлж байна.
Та бүхэнд амжилт, сайн сайхныг хүсье.
МҮХАҮТ-ЫН ЕРӨНХИЙЛӨГЧ
ДАШЦЭРЭНГИЙН ЭНХТҮВШИН
- Чадварлаг, эвсэг хамт олон
- Нягт, үр дүнтэй хамтын ажиллагаа
- Үнэ цэнэтэй бүтээгдэхүүн, үйлчилгээ
- Ёс зүйт үйл ажиллагаа
- Манлайлал
Байгууллагын үйл ажиллагааг сайжруулах, ажиллагсадын мэдлэг ур чадварыг дээшлүүлэх, бизнесийн оролцогч талуудтай хамтын ажиллагааг хөгжүүлэх замаар гишүүд, үйлчлүүлэгчид, бизнес эрхлэгчдэд чанартай бүтээгдэхүүн үйлчилгээг нийлүүлж, олон талын дэмжлэгийг үзүүлнэ.
Их Хурал
Үндэсний танхим нь байгууллага, аж ахуйн нэгж, иргэдийн үүсгэл санаачилга, гишүүнчлэлийн үндсэн дээр байгуулагдаж, өөрөө удирдах ёсонд тулгуурлан “Худалдаа, аж үйлдвэрийн танхимын тухай” Монгол Улсын хууль болон МҮХАҮТ-ын дүрэмд заасан эрх, үүргээ хэрэгжүүлэхтэй холбогдсон үйл ажиллагаа явуулах, төвийг сахисан, нийгэмд үйлчилдэг төрийн бус байгууллага юм. Дөрвөн жилд нэг удаа болдог Их хурал нь танхимын удирдах дээд байгууллага юм.Үндэсний хэмжээнд үйл ажиллагаа явуулж бизнес эрхлэгчдийн нийтлэг эрх ашгийг төлөөлөн хамгаалах, илэрхийлэх хуулиар хүлээсэн үүрэгтэй төрийн бус байгууллагыг удирдан чиглүүлэх Удирдах зөвлөл, Танхимын Ерөнхийлөгчийн сонгууль нь олон нийтийн анхаарлын төвд байдаг бөгөөд дотоод ардчиллын дагуу нийт гишүүд, хурлын төлөөлөгчид, бие даагчдын хувьд нэр дэвших, дэвшүүлэх үйл ажиллагаа нээлттэй, ил тод байдгаараа онцлогтой. МҮХАҮТ-ын дүрмийн дагуу Үндэсний танхимын Удирдах зөвлөлд гишүүнээр элсээд 3-аас дээш жил болсон, гишүүний үүргийн ямар нэг зөрчилгүй танхимын гишүүд нэр дэвших эрхтэй бөгөөд 22 гишүүнийг төлөөлөх ардчиллын зарчмаар, үлдэх 53 гишүүнийг Их хурлын гишүүд дундаас шууд ардчиллын зарчмаар, Хяналтын зөвлөлийн гишүүдийг Их хурлын гишүүд дундаас тус тус нэр дэвшүүлэн сонгох ба нэр дэвшүүлэх ажлыг Их хурал эхлэхээс өмнө дуусгавар болгож Танхимаас томилогдсон комисс нэр дэвшигчдийн материалыг хүлээн авч Их хуралд танилцуулдаг.
Удирдах Зөвлөл
Тэргүүлэгчид
Хяналтын зөвлөх
Бодлого, Стратегийн газар
Бодлого стратегийн газар нь бизнесийн орчныг сайжруулах чиглэлээр хууль эрх зүйн ба бодлогын баримт бичгүүдийг боловсронгуй болгох, боловсруулах, төрийн хувийн хэвшлийн хэлцэл, төрийн байгууллагуудтай хамтын ажиллагааг хөгжүүлэх үндсэн үүрэгтэй. Танхимын дэргэдэх салбарын бодлогын зөвлөлүүдийг хариуцан, салбарын асуудалд дүн шинжилгээ хийх, салбарын бодлого хууль эрх зүйг сайжруулах чиглэлээр ажилладаг. Бизнесийн орчны чиглэлээр дараах гурван судалгааг тогтмол явуулдаг. Үүнд: Бизнесийн итгэлийн индекс, Хүнд суртлын индекс, Бизнесийн орчны судалгаа. Тус газар нь Танхимын Ерөнхийлөгчийн ажлын албаны үүргийг гүйцэтгэдэг ба танхимын Удирдах зөвлөл, Тэргүүлэгчид, Хяналтын зөвлөлийн нарийн бичгийн даргын үүргийг мөн хүлээдэг. Утас: 7727-7070, Цахим шуудан: policy@mongolchamber.mn
Хэрэглэгч, Үйлчилгээний Газар
Гарал үүслийн гэрчилгээ - Утас: 7727-7070 /3/, Цахим шуудан: export@mongolchamber.mn, Экспертиз - Утас: 7727-7070 /9/, Цахим шуудан: expertise@mongolchamber.mn
Мэдээллийг шинэчилж байна
Санхүү, Бүртгэлийн Газар
Утас: 7727-7070 /31/, Цахим шуудан: finance@mongolchamber.mn
Мэдээллийг шинэчилж байна
Гишүүнчлэлийн Газар
Утас: 7727-7070 /2/, Цахим шуудан: membership@mongolchamber.mn, info@mongolchamber.mn, event@mongolchamber.mn, organic@mongolchamber.mn
Маркетинг, Олон Нийттэй Харилцах Газар
Утас: 7727-7070 /46/, Цахим шуудан: marketing@mongolchamber.mn