(+976) 7727-7070
info@mongolchamber.mn
08:30 - 17:30
Ажлын цаг

Монгол-Вьетнамын бизнес форум боллоо

2022/06/22 0

Монголын Үндэсний Худалдаа, Аж Үйлдвэрийн Танхим, Бүгд Найрамдах Социалист Вьетнам Улсаас Монгол Улсад суугаа Элчин сайдын яам хамтран “Монгол-Вьетнамын бизнес форум”-ыг МҮХАҮТ-ын Их танхимд зохион байгууллаа. Форумд БНСВУ-ын Хөдөө аж ахуй, хөдөөгийн хөгжлийн дэд сайд Чан Тань Нам, тус улсаас Монгол Улсад суугаа Онц бөгөөд бүрэн Эрхт элчин сайд Зоан Хань Дам, Гадаад харилцааны яамны Гадаад худалдаа, эдийн засгийн хамтын ажиллагааны газрын зөвлөх Д.Эрдэнэ-Очир, МҮХАҮТ-ын Ерөнхий нарийн бичгийн дарга С.Баясгалан болон БНСВУ-ын талаас 38 компанийн 60 гаруй төлөөлөл, Монголын талаас 250 орчим бизнес эрхлэгчид оролцов.

• БНСВУ-ын Хөдөө аж ахуй, хөдөөгийн хөгжлийн дэд сайд Чан Тань Нам: Вьетнам Улс олон улсын худалдааны хувьд тэргүүлэх 20 эдийн засгийн нэг

2021 онд БНСВУ-ын ДНБ 2.58 хувиар өсч, экспорт, импортын эргэлт 660 тэрбум ам.долларт хүрч, Вьетнам Улс олон улсын худалдааны хувьд тэргүүлэх 20 эдийн засгийн нэг болсон төдийгүй хэтийн төлөвийг олон улсын зээлжих зэрэглэлийн агентлагууд эрчимтэй нэмэгдүүлсэн. Өрсөлдөх чадвараар дэлхийд тэргүүлдэг, олон улсад танигдсан брэнд бүтээгдэхүүнүүд болох будаа, кэшью самар, каучук, жимс жимсгэнэ, мод болон модон бүтээгдэхүүн, далайн гаралтай бүтээгдэхүүн зэрэг хөдөө аж ахуйн бүтээгдэхүүнээр жил бүр 48.6 тэрбум ам.долларын экспортыг дэлхийн 180 гаруй улс орон болон бүс нутаг руу хийж байна.

Вьетнам-Монгол хоёр орны хооронд худалдааг хязгаарлаж буй хамгийн том хүндрэл нь ачаа тээврийн холболтын асуудал. Өнөөдрийг хүртэл бараа, бүтээгдэхүүний тээвэрлэлт голчлон БНХАУ-ын нутаг дэвсгэрээр дамжин өнгөрөх төмөр замд тулгуурлан, тээвэрлэлтийн хэмжээ болон зөвшөөрөгдөх хэмжээ хязгаарлагдмал байсан. Хоёр талын бизнес эрхлэгчдийн саналын дагуу одоогоор холбогдох салбар яам, байгууллагууд агаарын зам нээх, төмөр замын тээврийг эрчимжүүлэх, таатай нөхцөлийг бүрдүүлэх талаар судалж байна.

• МҮХАҮТ-ын Ерөнхий нарийн бичгийн дарга С.Баясгалан: Монгол-Вьетнамын бизнесийн зөвлөл байгуулна

Монгол-Вьетнамын худалдааны эргэлт 80 сая орчим ам.доллар байна. Хоёр орны худалдаа, эдийн засаг, бизнесийн хамтын ажиллагааны цар хүрээ, нэр төрлийг нэмэгдүүлэх, өргөжүүлэх, бизнес эрхлэгчдэд хамтын ажиллагааны боломжийг нээж өгөх, өөр хооронд нь холбох Монгол-Вьетнамын бизнесийн зөвлөлийг байгуулахад талууд санал нэгдлээ.

Цаашид МҮХАҮТ-ын зүгээс БНСВУ-ын хамтран ажиллагч талуудтай худалдаа, эдийн засгийн хамтын ажиллагааг улам өргөжүүлэх, худалдааны тэнцлийг хангах, хоёр улсын хамтарсан төсөл хөтөлбөрүүдийг хэрэгжүүлэх, хөрөнгө оруулалтыг нэмэгдүүлэх, худалдааг хөнгөвчлөх, тээвэр логистикийн асуудлуудыг шийдвэрлэх чиглэлээр нягт хамтран ажиллах болно.

• БНСВУ-аас Монгол Улсад суугаа Онц бөгөөд бүрэн Эрхт элчин сайд Зоан Хань Дам: Монголын бизнес эрхлэгчид АСЕАН-ы зах зээл төдийгүй дэлхийн томоохон зах зээлд нэвтрэх боломжтой

Вьетнам Улс 17 гаруй чөлөөт худалдааны хэлэлцээрт нэгдэн орсон, үүнд, Номхон далай дамнасан түншлэлийн тухай иж бүрэн, дэвшилтэт хэлэлцээр (CPTPP) болон Европын Холбоо-Вьетнамын чөлөөт худалдааны хэлэлцээр (EVFTA)-т тус тус нэгдсэн учраас Монголын бизнес эрхлэгчид АСЕАН-ы зах зээл төдийгүй дэлхийн томоохон зах зээлд нэвтрэх боломжтой. Ерөнхийд нь авч үзэхэд, манай хоёр орны хувьд хөдөө аж ахуй, боловсрол, сурган хүмүүжүүлэх, шинжлэх ухаан, мэдээллийн технологи, дижитал шилжилт, цахим засаглал, дижитал эдийн засаг, дижитал нийгэм, эрчим хүч, газрын тос, байгалийн хийн хайгуул, ашиглалт, боловсруулалт, түүнчлэн эрчим хүч, сэргээгдэх салхины болон нарны эрчим хүч зэрэг олон салбарт хамтын ажиллагааг хөгжүүлэх эрчимжүүлэх асар их боломж, давуу тал бий.

Бизнес форумд хоёр орны бизнес эрхлэгчид өргөнөөр оролцож байгаа нь эдийн засгийн хамтын ажиллагааны үйл явцын илрэл төдийгүй Монгол, Вьетнамын эдийн засаг, худалдаа, хөрөнгө оруулалтын харилцаанд шинэ санаа санаачилга, эрч хүч, түлхэц болж байна гэж манай Элчин сайдын яам үзэж байна.

• Гадаад харилцааны яамны Гадаад худалдаа, эдийн засгийн хамтын ажиллагааны газрын зөвлөх Д.Эрдэнэ-Очир: Хоёр улсын ЗГХК-ын 18 дугаар хуралдаан 8 дугаар сард Улаанбаатар хотод болно

Монгол Улс, БНСВУ 1954 онд дипломат харилцаа тогтоож, 1957 онд анхны худалдааны хэлэлцээрийг байгуулсан. 2019 онд болсон Засгийн газар хоорондын комиссын 17 дугаар хуралдаанаар хоёр талын худалдааны эргэлтийг 100 сая ам.долларт хүргэх зорилт тавьсан.

2021 оны байдлаар худалдааны эргэлт 80 сая ам.доллар байгаа нь цаашид энэ зорилт удахгүй хангагдах боломжтойг харуулж байна. ЗГХК-ын 18 дугаар хуралдааныг энэ оны 8 дугаар сард Улаанбаатар хотод зохион байгуулахаар талууд бэлтгэл ажлаа хангаж байна.

Хоёр орны бизнес эрхлэгчид мэдээлэл солилцох, худалдаа, хөрөнгө оруулалт, хамтын ажиллагааны хэлэлцээр хийх B2B уулзалтыг форумын төгсгөлд зохион байгуулсан юм. Хүнс, хөдөө аж ахуй, эрчим хүч, барилга, эрүүл мэнд, эмнэлгийн тоног төхөөрөмж, гоо сайхан, тавилга, үл хөдлөх хөрөнгө, аялал жуулчлал, уул уурхайн бүтээгдэхүүн, тээвэр логистик зэрэг салбарын экспортлогч импортлогч аж ахуйн нэгжүүдийн төлөөлөл нийт 310 гаруй бизнес эрхлэгч оролцов.

Сүүлд нэмэгдсэн мэдээ
Уул уурхайн бус бараа бүтээгдэхүүн экспортлогч аж ахуйн нэгжүүдийн анхааралд
2022/06/30
МҮХАҮТ, Оюуны Өмчийн Газартай хамтын ажиллагааны санамж бичиг байгууллаа
2022/06/29
Ноос, ноолуурын салбарын нягтлан бодогч нарт зориулсан сургалт зохион байгуулагдлаа
2022/06/24
Словени Улсаас БНХАУ-д суугаа ЭСЯ-ны Дэд тэргүүн, хатагтай Тадежа Форштнер Перкличийг МҮХАҮТ-ын ГХХАГ-ын Дарга Ц.Гэрэлсайхан хүлээн авч уулзлаа
2022/06/24
Хот, хөдөөгийн сэргэлт
2022/06/24
Эдийн засаг, нийгмийн харилцаанд эмэгтэйчүүдийн эрхийг хүндэтгэхэд бизнесийн байгууллагууд манлайлагч болох нь
2022/06/24
“BUSINESS CUP 2022” хөлбөмбөгийн шилжин явах цомын төлөөх тэмцээний бүртгэл эхэллээ
2022/06/22
Монгол-Вьетнамын бизнес форум боллоо
2022/06/22
Булган аймгийн нийгэм, эдийн засаг, шилжилт хөдөлгөөний системийн динамик загварыг боловсруулна
2022/06/20
МҮХАҮТ БНТУ-ын Танхим, Биржүүдийн холбоо (TOBB)-той хөгжүүлж буй хамтын ажиллагаагаа идэвхжүүлнэ
2022/06/17
Истанбул хотын Худалдааны танхимын гишүүдтэй бизнесийн уулзалтууд хийлээ
2022/06/17
МҮХАҮТ-ын дарга Т.Дүүрэн Япон Улсын төлөөлөгчдийг хүлээн авч уулзав
2022/06/16
Монголын Олон Улсын Арбитр болон Истанбулын Арбитрын Төв (ISTAC) хооронд хамтран ажиллах гэрээ байгууллаа
2022/06/16
БНТУ-ын Олон Улсын Эдийн засгийн харилцааны зөвлөл /DEIK/-тэй албан уулзалт хийв
2022/06/15
Истанбул хотын Худалдааны танхимтай хамтран ажиллана
2022/06/15
“Тээврийн хэрэгслийн үйлдвэрлэл, ашиглалтын аюулгүй байдлын техникийн зохицуулалт”-ын  төсөлд санал авч байна
2022/06/15
"Турк-Монголын бизнес форум-2022" боллоо
2022/06/13
"Сарлагийн арьсны тогтвортой үйлдвэрлэл ба сарлагийн арьсан бүтээгдэхүүн үйлдвэрлэлийн кластерийн чадавхийг бэхжүүлэх” төслийн нээлт боллоо
2022/06/13
Бизнес Академи болон "Эс Ай Си Эй" Академи нь хамтын ажиллагааны санамж бичигт гарын үсэг зурлаа
2022/06/13
МҮХАҮТ-ын Ерөнхийлөгч О.Амартүвшин БНЧУ-аас Монгол Улсад суугаа Онц бөгөөд Бүрэн эрхт Элчин Сайд Ян Вытопилтой уулзлаа
2022/06/08