МОНГОЛТРАНС - ӨСӨЛТӨД ХӨТӨЛСӨН 35 ЖИЛ

МОНГОЛТРАНС - ӨСӨЛТӨД ХӨТӨЛСӨН 35 ЖИЛ

Монгол Улсын тээвэр, логистикийн салбарын тэргүүлэгчдийн нэг Монголтранс ХХК нь энэ онд үүсгэн байгуулагдсаныхаа 35 жилийн ойг тэмдэглэж байна.

Монгол Улс зах зээлийн эдийн засгийн тогтолцоонд шилжиж, гадаад худалдааны харилцаа өргөжиж эхэлсэн 1991 онд Монголтранс компани тээвэр зуучлалын үйл ажиллагаагаа эхлүүлсэн юм. Түүнээс хойш үйлдвэрлэл, худалдаа, дэд бүтцийн томоохон төсөл, хөтөлбөрүүдийн тээвэр, логистикийн ажлыг гүйцэтгэн ажиллаж ирсэн билээ.

Тухайлбал, 1992 онд Дарханы хар төмөрлөгийн үйлдвэр, 1993-1998 онд Буянт-Ухаа нисэх буудал, ДЦС-2, ДЦС-3, ДЦС-4-ийн өргөтгөл болон авто замын томоохон төслүүдэд шаардлагатай тоног төхөөрөмж, материалын тээвэрлэлтийг зохион байгуулжээ.

Мөн 2000-2003 онд долоон аймгийн 51 суманд 120 дизель цахилгаан станц суурилуулах төслийн тээвэрлэлтийг гүйцэтгэж, цаашид Оюу Толгой болон уул уурхай, хүнс, цемент, сэргээгдэх эрчим хүчний салбарын төслүүдтэй хамтран ажилласан байна.

Эдгээр төсөл нь Монголтранс компанийн үйл ажиллагаа Монгол Улсын үйлдвэрлэл, дэд бүтэц, худалдааны салбарын хөгжилтэй зэрэгцэн өргөжиж ирснийг илтгэж байна.

Тээвэр, логистикийн цогц үйлчилгээ

Ачаа барааг аюулгүй, найдвартай, товлосон хугацаанд хүргэх нь тээвэр, логистикийн салбарын үндсэн шаардлагын нэг. Монголтранс ХХК нь энэ зарчмыг баримтлан олон улсын тээвэр зуучлал, гаалийн терминал, агуулах болон ачаа ачих, буулгах чиглэлээр үйл ажиллагаагаа өргөжүүлсээр байна.

Өнөөдөр тус компани 60 гаруй мэргэшсэн ажилтан, өөрийн төмөр замын салбар зам, техник, тоног төхөөрөмжид түшиглэн тээвэр, логистикийн цогц үйлчилгээ үзүүлдэг.

35 жилийн туршлага, цаашдын хөгжил

Олон улсын худалдаа, тээвэр, логистикийн салбарын хэрэгцээ, шаардлага өөрчлөгдөхийн хэрээр Монголтранс ХХК үйлчилгээний чанар, үйл ажиллагааны үр ашиг болон технологийн шинэчлэлд анхааран ажиллаж байна.

Өнгөрсөн хугацаанд хуримтлуулсан туршлага, харилцагч болон түнш байгууллагуудтай тогтоосон хамтын ажиллагаа нь компанийн цаашдын хөгжлийн суурь юм.

Монголтранс ХХК 35 жилийн ойгоо тохиолдуулан үе үеийн ажилтнууд, харилцагчид, хамтран ажиллагч байгууллагууддаа талархал илэрхийлж, цаашид тээвэр, логистикийн үйлчилгээгээ тогтвортой хөгжүүлэн, хамтын ажиллагаагаа өргөжүүлэх болно.

Тээвэр, логистикийн хэрэгцээ болон хамтын ажиллагааны боломжийн талаар бидэнтэй холбогдоорой.

Дэлгэрэнгүй: https://mongoltrans.mn/

МОНГОЛТРАНС ХХК

Өсөлтөд хөтөлсөн 35 жил.