“HOME PRO 2026” ТӨВ АЗИЙН ҮЗЭСГЭЛЭНД ОРОЛЦОХЫГ УРЬЖ БАЙНА
Бүгд Найрамдах Узбекистан Улсын нийслэл Ташкент хотын “УзЭкспоЦентр” үзэсгэлэнгийн төвд 2026 оны 12 дугаар сарын 3–5-ны өдрүүдэд засвар, тохижилт, интерьер дизайны салбарын бүхий л чиглэлийг хамарсан “Home Pro 2026” олон улсын үзэсгэлэн зохион байгуулагдана.
Тус үзэсгэлэн нь үйлдвэрлэгч, дизайнер, борлуулагч болон худалдан авагчдыг нэг дор холбож, бизнесийн харилцаа тогтоох, хамтын ажиллагаагаа өргөжүүлэх, шинэ зах зээлд нэвтрэх боломжийг бүрдүүлэх зорилготой.
Үзэсгэлэнд барилга угсралт, үл хөдлөх хөрөнгө, бүтээн байгуулалтын компаниуд, засвар, тохижилтын бараа бүтээгдэхүүн, гэр ахуйн бүтээгдэхүүн, барилгын материал үйлдвэрлэгчид, дизайн студи болон дизайны товчоод оролцоно. Мөн оролцогчид салбарын мэргэжилтэн, илтгэгчдээс практик зөвлөгөө авч, боломжит түнш, худалдан авагчидтай шууд харилцаа тогтоох, борлуулалтаа нэмэгдүүлэх боломжтой.
Иймд засвар, тохижилт, барилгын материал, интерьер дизайны чиглэлээр үйл ажиллагаа явуулдаг аж ахуйн нэгж, компаниудыг “Home Pro 2026” үзэсгэлэнд оролцож, бизнесийн хамтын ажиллагаагаа өргөжүүлэхийг урьж байна.
Хугацаа: 2026 оны 12 дугаар сарын 3–5-ны өдрүүдэд
Байршил: “УзЭкспоЦентр” үзэсгэлэнгийн төв, Ташкент хот, Бүгд Найрамдах Узбекистан Улс
