МҮХАҮТ-ын дарга Т.Дүүрэн Япон Улсын төлөөлөгчдийг хүлээн авч уулзав
Япон Улсын Эдийн засаг, худалдаа, үйлдвэрийн яамны Худалдааны бодлогын товчооны Зүүн хойд Азийн хэлтсийн захирлын туслах Үрабэ Акихиро, Япон Улсаас Монгол Улсад суугаа Элчин Сайдын яамны III нарийн бичгийн дарга Акимото Юки, Эдийн засаг хөгжлийн хамтын ажиллагааны хэлтсийн ажилтан П.Энхзаяа, JETRO байгууллагын Дэлхийн стратеги хариуцсан ахлах захирал Хината Хироми, Хятад ба Хойд Азийн салбарын Хилийн чанад дахь судалгааны хэлтсийн судалгааны менежер Ообора Маюми, Япон Монголын Эдийн засгийн хорооны захирал Хара Масүми, ажилтан Мори Саюми, Иточу корпорацийн Улаанбаатар хот дахь төлөөлөгчийн газрын дарга Нагано Масами нарыг МҮХАҮТ-ын Дарга Т.Дүүрэн хүлээн авч уулзлаа.
Монгол Улс, Япон Улс хооронд 1972 оны 2 дугаар сарын 24-нд дипломат харилцаа тогтоосон. Энэ онд дипломат харилцаа тогтоосны 50 жилийн ой тохиож байна. Тус уулзалтаар цар тахлын дараа тулгамдаж буй асуудлуудыг шийдвэрлэх, эдийн засгийн түншлэл болон хувийн хэвшлийн хамтын ажиллагааг дэмжих, худалдааны эргэлтийг нэмэгдүүлэх боломжуудыг ярилцав.
МҮХАҮТ нь Япон Монголын Эдийн засгийн хороо, JETRO байгууллагатай хамтран бизнес эрхлэгчдийг хамруулсан B2B уулзалт болон сургалт семинаруудыг зохион байгуулах, хамтын ажиллагаагаа идэвхжүүлэх талаар санал солилцлоо.