Олон улсын франчайзингийн үзэсгэлэн Нью-Йорк хотноо болж байна

Монголын Үндэсний Худалдаа Аж Үйлдвэрийн Танхим нь АНУ-ын Нью-Йорк хотноо 2022 оны 6-р сарын 2-4-ний өдрүүдэд зохион байгуулагдаж буй 30 дах удаагийн Олон улсын франчайзингийн үзэсгэлэнд бизнес групп зохион байгуулан оролцож байна.

Энэ удаагийн үзэсгэлэнд АНУ-ын бизнес эрхлэгчдээс гадна олон улсын франчайз брендүүд цугласнаараа онцлог болж, франчайзын шилдэг экспертүүд сургалт, семинар зохион байгуулан өргөн цар хүрээтэй зохион байгуулагдаж байна.

МҮХАҮТ-ын энэ удаагийн группт БСБ сервис ХХК, Синержи групп ХХК, Ухаа сар ХХК, Петровис ойл ХХК, Симатай промошн ХХК, Ландекс ложистикс, Эгүлэн пос ХХК компанийн төлөөлөл оролцлоо.

Монгол Улсаас НҮБ-ын дэргэд суугаа Элчин сайд, Байнгын төлөөлөгч В.Энхболд МҮХАҮТ-ын төлөөлөгчдийг хүлээн авч уулзан, АНУ-тай бизнес эрхлэх боломжуудын талаар санал солилцож, цаашид хамтран ажиллаж бизнест нь дэмжлэг үзүүлэхээ илэрхийллээ.