Бизнесийн ёс зүй, шударга байдлыг бэхжүүлэх төслийг үргэлжлүүлэн хэрэгжүүлнэ
“Бизнесийн ёс зүй, шударга байдлыг бэхжүүлэх” төслийн нэг жилийн үйл ажиллагааны тайлангийн уулзалт /2022 оны 05 дугаар сарын 13-нд/ боллоо. Төслийг Монголын Үндэсний Худалдаа Аж Үйлдвэрийн Танхим, “Транспэрэнси Интернэшнл Монгол” ТББ болон “Рио Тинто Монгол” ХХК нь хамтран хэрэгжүүлж байгаа бөгөөд бизнесийн орчин дахь авлигын тархалтыг зогсоох, “Авлигатай тэмцэх үндэсний хөтөлбөр”-ийн хүрээнд хэрэгжих төсөл, хөтөлбөрүүдэд дэмжлэг үзүүлэх замаар, урт хугацаанд бизнесийн ёс зүй, шударга байдлыг бэхжүүлэхээр ажиллаж байна.
Төслийг хэрэгжүүлэх үндсэн нэгж болох МҮХАҮТ-ын дэргэдэх Бизнесийн Ёс Зүйн Төв нь “Бизнесийн ёс зүй, шударга байдлын сургалт, зөвлөх үйлчилгээний хэрэгцээг тодруулахаар авсан судалгааны тайлан”, “ Бизнесийн ёс зүйн өнөөгийн байдал” цахим уулзалт, АТГ-ын дэд дарга Г.Азжаргалын бизнес эрхлэгчидтэй хийсэн Business Breakfast” уулзалт, Нээлттэй засгийн түншлэл ба хувийн хэвшлийн оролцоо хэлэлцүүлэг, Ёс зүйтэй манлайлал уулзалт, Татварын ёс зүй хэлэлцүүлэг, Комплаенс, Бизнесийн ёс зүйн анхдугаар чуулган, Хариуцлагатай бизнес, шударга байдлын аргачлал хэвшүүлэх сургалт,”Ёс зүй-Тогтвортой бизнес” аян зэрэг нөлөөллийн ажлуудын үр дүнгээс хуваалцсан бөгөөд тус төслийн “2022-2023” оны үйл ажиллагааны төлөвлөгөөг танилцууллаа.
МҮХАҮТ-ын Ерөнхийлөгч О.Амартүвшин, Транспэрэнси Интернэшнл Монгол ТББ-ын Гүйцэтгэх захирал Э.Мөнхжаргал, Рио Тинто Группийн Монгол дах үйл ажиллагаа хариуцсан захирал Х.Амаржаргал нар уулзалтыг нээж үг хэллээ. МҮХАҮТ-ын Төсөл хөтөлбөрийн газрын дарга С.Оюунзул, “Бизнесийн ёс зүй, шударга байдлыг бэхжүүлэх” төслийн үйл ажиллагааны төлөвлөгөөний биелэлт, Рио Тинто Монгол ХХК-ны Гадаад харилцаа, хамтын ажиллагаа хариуцсан захирал Б.Даваасүрэн, “Бизнесийн ёс зүй, шударга байдлыг бэхжүүлэх” төслийг хэрэгжүүлэх болсон тухай,Транспэрэнси Интернэшнл Монгол ТББ-ын Гүйцэтгэх захирал Э.Мөнхжаргал, “Авлигал ба бизнесийн ёс зүй” сэдвээр мэдээлэл хүргэсэн бол Транспэрэнси Интернэшнл Монгол ТББ-ын хөндлөнгийн зөвлөх Д.Тэгшбаяр Бизнесийн ёс зүйн төвийн Хариуцлагатай бизнес, шударга байдлын аргачлал хэвшүүлэх 6 модуль сургалт болон сургалтын гарын авлагын талаар танилцууллаа.
Мөн уулзалтад Скайтел группийн Хууль, эрхзүйн албаны дарга Ө.Жамбалсүрэн, АТГ-ын Урьдчилан сэргийлэх соён гэгээрүүлэх хэлтсийн дарга Х. Ихмөрөн , АТГ-ын Авлигатай тэмцэх үндэсний хөтөлбөрийн Ажлын албаны дарга, ахлах комиссар Д.Дуламсүрэн болон Элчин сайдын яамны зочид төлөөлөгчид оролцлоо.
Уулзалтын төгсгөлд “Бизнесийн ёс зүй, шударга байдлыг бэхжүүлэх” төслийг хэрэгжүүлэгч талууд Бизнесийн ёс зүйн төвийн нэг жилийн үйл ажиллагааг дүгнэн хэлэлцэж, ирэх жилийн үйл ажиллагааны төлөвлөлтийг танилцуулан төслийн тунхаглалт гарын үсэг зурлаа.
Холбоо барих:
Бизнесийн ёс зүйн төв
МҮХАҮТ-ын байр, 102 тоот
Цахим шуудан: Bicentermn@gmail.com
