“Монголын Барилгын Үндэсний Ассоциаци” ТББ-ын V чуулганы хуралдаанд оролцлоо
“Монголын барилгын үндэсний ассоциаци” ТББ нь гишүүдийнхээ хууль ёсны эрхийг төлөөлж тэдний дуу хоолойг салбарын төрийн бодлогод тусгуулахаар ажиллаж ирсэн 160 гаруй гишүүн байгууллагыг эгнээндээ нэгтгэсэн ТББ юм.
“Монголын барилгын үндэсний ассоциаци” ТББ нь V чуулганы хуралдаанд МҮХАҮТ-ын Ерөнхийлөгч О.Амартүвшин оролцлоо. Энэ үеэр Монгол Улсад барилгын салбарыг хөгжүүлэх үйлсэд манлайлагчаар оролцож, идэвх санаачилга гарган амжилттай ажиллаж байгааг нь үнэлж “Монголын барилгын үндэсний ассоциаци” ТББ-т МҮХАҮТ-ын Хүндэт өргөмжлөл, Ерөнхийлөгч Д.Цэрэнжигмэдэд МҮХАҮТ-ын Хийморь одонг гардууллаа.
“Монголын барилгын үндэсний ассоциаци” ТББ нь Зөвшөөрлийн тухай, Худалдааны тухай, Төр-хувийн хэвшлийн түншлэлийн тухай, ХАҮТ-ын тухай, Мэргэжлийн холбооны эрх зүйн байдлын тухай зэрэг холбогдох хуулийн төслүүдэд саналаа өгч ажилласан гэдгийг хурлынхаа үеэр онцолж байв.
“Монголын барилгын үндэсний ассоциаци” ТББ нь “САЙН ЗАСАГЛАЛЫГ ХЭРЭГЖҮҮЛЭГЧ ЭНТРЕПРЕНЁР”-оор шалгарч байсан бөгөөд МҮХАҮТ-тай хамтран ажилласаар ирсэн билээ.