(+976) 7727-7070
info@mongolchamber.mn
08:30 - 17:30
Ажлын цаг

Чөлөөт бүсийн хөгжлийн бодлогын талаар хэлэлцлээ

2022/05/13 0

Эдийн засаг, хөгжлийн яам, МҮХАҮТ хамтран чөлөөт бүсийн одоогийн хүчин төгөлдөр хууль, эрх зүйн орчныг сайжруулах, цаашдын хөгжлийн чиглэлийг тодорхойлоход оролцогч талуудын саналыг тусгах зорилгоор “Чөлөөт бүсийн хөгжлийн бодлого” хэлэлцүүлгийг зохион байгууллаа.

Хэлэлцүүлэгт холбогдох төрийн байгууллагууд, чөлөөт бүсийн захирагчийн ажлын албадын төлөөлөл болон хөрөнгө оруулагчид, тээвэр логистикийн салбарын бизнес эрхлэгчид оролцов.

Монгол Улсад Чөлөөт бүсийн асуудал 1995 оноос яригдаж эхэлснээс хойш 27 жилийн хугацаа өнгөрсөн ч тодорхой ахиц, дэвшил гаргаж чөлөөт бүсийг зориулалтаар нь ашиглаж чадаагүй өнөөг хүрсэн гэдгийг МҮХАҮТ-ын Ерөнхийлөгч О.Амартүвшин хэлэлцүүлгийг нээж хэлсэн үгэндээ онцолсон юм. Мөн тэрээр "Шинэ сэргэлтийн бодлого"-ын хүрээнд төр-хувийн хэвшил, хөрөнгө оруулагчдын идэвхтэй түншлэлд тулгуурлан Монгол Улсын хөгжлийг хязгаарлаж буй зургаан багц асуудлыг шийдвэрлэх ажлын нэгдүгээрт “Боомтын сэргэлт”-ийн асуудал орсон нь цаг үеэ олсон бодлого болсныг тодотгоод “Шинэ сэргэлтийн бодлого”, Монгол Улсын бүсчилсэн хөгжлийн үзэл баримтлалд тулгуурлан чөлөөт бүс, хилийн боомт, эдийн засгийн коридор, тээвэр, логистикийг хөгжүүлэхэд тулгарч байгаа асуудлуудыг цогцоор нь яаралтай бодитойгоор шийдэж, үйл ажиллагааг эхлүүлж, эрчимжүүлж цаашид энэ талаар тогтвортой бодлого барьж ажиллах нь чухал гэлээ.

Эдийн засаг, хөгжлийн яамны Хилийн боомтын хөгжил, чөлөөт бүсийн бодлогын газрын даргын албан үүргийг түр орлон гүйцэтгэгч Х.Эрдэнэбулган “Чөлөөт бүсийн өнөөгийн байдал, хөгжлийн чиг хандлага” илтгэлдээ институтийн тогтворгүй байдал, судалгаа шинжилгээнд үндэслэн төлөвлөөгүй, автозам, тээвэр логистикийн сүлжээгүй, төрөөс баримтлах нэгдсэн бодлого тодорхойгүй, зах зээлийн багтаамж хангалтгүй, хөрөнгө оруулалтын орчин нээлттэй бус, суурь дэд бүтцийн бүтээн байгуулалт, санхүүжилтийг үе шаттай шийдээгүй, ажиллах хүчний нөөц хангалтгүй, салбар хоорондын уялдаа холбоо болон орон нутгийн уялдаа сул зэрэг нөхцөл байдлаас шалтгаалж чөлөөт бүсүүд хөгжихгүй байгааг дурдав.

Чөлөөт бүсүүдийг хөгжүүлэхэд нэн түрүүнд хууль эрх зүйн орчныг боловсронгуй болгох шаардлагатай байгаатай хэлэлцүүлэгт оролцогчид санал нэгдэж байлаа. Мөн чөлөөт бүсийн хөгжлийн загварыг зөв тодорхойлох, хөрш орнууд, бүс нутгуудтай харилцан ойлголцох, ерөнхий төлөвлөгөөгөө уялдуулах, төр-хувийн хэвшлийн хамтарсан менежментийг нэвтрүүлэх зэрэг саналуудыг илэрхийлсэн юм. Эдийн засаг, хөгжлийн яамнаас Чөлөөт бүсийн ерөнхий төлөвлөгөөний төслийг боловсруулж байгаа бөгөөд хувийн хэвшлийнхний саналуудыг тусгаж, хууль эрх зүйн орчныг сайжруулахад анхаарч ажиллана гэлээ.

Сүүлд нэмэгдсэн мэдээ
"Цар тахлаас үүдэн татварын өрөнд орсон ААН-үүдийг шүүхэд өгч, дансыг нь хаах зохимжгүй"
2022/05/16
Хөлбөмбөгийн нөхөрсөг тоглолтод оролцлоо
2022/05/15
"Нийтийн хөлбөмбөг" төслийн нээлт боллоо
2022/05/14
“Монголын Барилгын Үндэсний Ассоциаци” ТББ-ын V чуулганы хуралдаанд оролцлоо
2022/05/14
МҮХАҮТ-ын Ерөнхийлөгч О.Амартүвшин Бүгд Найрамдах Социалист Вьетнам Улсаас Монгол Улсад Суугаа Онц Бөгөөд Бүрэн Эрхт Элчин Сайд Эрхэмсэг Ноён Зоан Хань Дам-ыг хүлээн авч уулзлаа
2022/05/14
Бизнесийн ёс зүй, шударга байдлыг бэхжүүлэх төслийг үргэлжлүүлэн хэрэгжүүлнэ
2022/05/13
Чөлөөт бүсийн хөгжлийн бодлогын талаар хэлэлцлээ
2022/05/13
Чөлөөт бүсийн хөгжлийн бодлогын талаар хэлэлцлээ
2022/05/13
ОХУ-ын зэрэгцээ импортын механизмын тухай
2022/05/12
"Жижиг Дунд Үйлдвэрийн Бүтээгдэхүүн, Үйлчилгээ, Технологи-2022" үзэсгэлэн
2022/05/12
Аж үйлдвэрийн төслүүдийн үйлдвэрлэл, бүтээн байгуулалтын явцтай танилцлаа
2022/05/12
"Увсын чацаргана" газар зүйнзаалт Европын холбоонд бүртгэгджээ
2022/05/11
Жижиг дунд бизнес эрхлэгчдэд үнэ төлбөргүй МАРКЕТИНГИЙН ЗӨВЛӨГӨӨ ӨГӨХ ӨДӨРЛӨГ
2022/05/10
УИХ-ын тогтоолын төсөлд санал авч байна
2022/05/09
Шарк Танк нэвтрүүлгийн бүртгэл эхэллээ
2022/05/08
Европын холбоонд Монголын анхны газар зүйн заалтыг бүртгүүлсэн туршлагаасаа хуваалцлаа
2022/05/06
МҮХАҮТ-ын 2022 оны 4 дүгээр сарын Мэдээллийн товхимолтой танилцана уу
2022/05/05
"Нийслэлийн жижиг, дунд үйлдвэр, үйлчилгээний салбарт инновац хөгжүүлэх боломж, шийдэл 2022" форум зохион байгуулагдаж байна
2022/05/05
МҮХАҮТ Гадаадын Иргэн, Харьяатын Газартай хамтран ажиллана
2022/05/02
"Худалдаа, тээвэр" Орос-Монголын бизнес форум боллоо
2022/04/29