Жижиг дунд бизнес эрхлэгчдэд үнэ төлбөргүй МАРКЕТИНГИЙН ЗӨВЛӨГӨӨ ӨГӨХ ӨДӨРЛӨГ

2022/05/10 0

“Монголын Маркетингийн Холбоо”-ноос Жижиг дунд бизнес эрхлэгчдэд үнэ төлбөргүй МАРКЕТИНГИЙН ЗӨВЛӨГӨӨ ӨГӨХ ӨДӨРЛӨГ-ийг МҮХАҮТ-тай хамтран 3 дах жилдээ зохион байгуулах гэж байна.

Жижиг дунд бизнес эрхлэгчид хүний нөөц, хөрөнгө санхүүгийн боломжоос хамааран тусгайлсан маркетингийн нэгжгүй байх нь элбэг. Мөн Ковид-19 цар тахлын үед жижиг дунд бизнес эрхлэгчдийн өмнө цөөнгүй саад бэрхшээл, сорилтууд тулгараад байгаа энэ цаг үед ММХ-оос нийгмийн хариуцлагын хүрээнд маркетингтай холбоотой гарч буй асуудал, бэрхшээлүүдэд нь дэмжлэг үзүүлэх зорилгоор энэхүү зөвлөгөө өгөх өдөрлөгийг хийх гэж байна.

Өдөрлөгийн хүрээнд жижиг дунд бизнес эрхлэгч нар маркетингийн зөвлөхтэй нэг бүрчлэн биечлэн уулзаж, өөрсдийн тулгамдсан асуудалдаа шийдэл, шинэ санааг олж авах болно.

Та бүхэн дараах линкээр орж бүртгэл үүсгэн, зөвлөгөө авах чиглэлээ бичнэ үү! Бүртгэл 5-р сарын 17-ны өдөр хаагдана.

Хэзээ: 2022 оны 5-р сарын 19-ны 14:00-17:00
Хаана: МҮХАҮТ-ын Их танхим
Төлбөр: Төлбөргүй
Оролцох хүний тоо: 200