Приморийн ХАҮТ-уудын холбоотой Харилцан ойлголцлын санамж бичиг байгууллаа

Монголын үндэсний худалдаа аж үйлдвэрийн танхим болон ОХУ-ын Приморийн Худалдаа, аж үйлдвэрийн танхимуудын холбоотой тээвэр логистик, худалдаа, хөрөнгө оруулалт, аялал жуулчлалын салбарын хамтын ажиллагааг хөгжүүлэх, бэхжүүлэх Санамж бичиг байгууллаа.

Харилцан ойлголцлын санамж бичиг байгуулснаар Приморийн хязгаар болон Монгол Улсын худалдаа, аж үйлдвэр, тээвэр логистикийг боломжийг нэмэгдүүлэх, хөрөнгө оруулалт, аялал жуулчлалын чадавхийг дэмжих бизнесийн хэлэлцээ, бизнес төлөөлөгчийн газар, бага хурал, форум, үзэсгэлэн, яармаг зохион байгуулахад хамтран ажиллах юм.

Хамтын ажиллагааны хүрээнд ирэх 5 дугаар сард Владивосток хотод Монгол-Оросын аялал жуулчлалын форумыг зохион байгуулахаар төлөвлөөд байна.