Татварын өр төлбөртэй ААН, байгууллагуудын анхааралд

2022/04/23 0

МҮХАҮТ нь бизнес эрхлэгчдийн нийтлэг эрх ашгийг илэрхийлэн хамгаалах, бизнесийн таатай орчныг бүрдүүлэхэд нөлөөлөгч, өмгөөлөгч байх зорилгынхоо хүрээнд бизнес эрхлэгчдэд тулгамдаж буй хүндрэлтэй асуудлыг цаг тухайд нь нэгтгэж төр засгийн байгууллагуудад хүргүүлж, шийдвэрлүүлэх тал дээр анхааран ажиллаж байна.

Сүүлийн хоёр жилийн хугацаанд “Ковид-19” вирусийн цар тахлын нөлөөгөөр манай улс болон бусад улс орнуудад тавьсан хатуу хөл хорио, хязгаарлалтууд, олон улсын тээвэр логистикийн хүндрэл, түүхий эд, бараа, материалын нийлүүлэлтийн тасалдал, үнийн өсөлт, ялангуяа Монгол, Хятад улсын гол хилийн боомтууд хаагдсанаас бизнесийн үйл ажиллагаанд ихээхэн хохирлыг учруулсан. Үүний зэрэгцээ геополитикийн нөхцөл байдлаас болж зарим улс орнууд ОХУ-д, ОХУ-аас эргээд найрсаг бус харилцаатай улс орнуудын эсрэг авч буй эдийн засгийн хориг арга хэмжээнүүдийн улмаас гадаад валютын нөөц хомсдож, төгрөгийн ханш сулран, гадаад төлбөр тооцоог хийхэд ихээхэн бэрхшээлтэй болж эдийн засгийн тодорхойгүй нөхцөл байдлыг бий болгож байна.

Гэвч ийм хүнд нөхцөлд Татварын ерөнхий хуулийн 63 дугаар зүйлд заасан “Татварын өрийг үл маргах журмаар гаргуулах” гэсэн эрхзүйн үндэслэлээр Татварын албанаас татварын өртэй аж ахуйн нэгжүүдийн банкан дахь дансыг битүүмжлэх (хаах) үйл ажиллагаа явуулж эхэлсэн байна.

Үүнтэй холбогдуулан аж ахуйн нэгж, бизнес эрхлэгч та бүхэн татварын өр төлбөртэй холбоотойгоор Татварын албанаас данс битүүмжилж (хааж), шүүхэд шилжүүлж байгаатай холбогдуулан нөхцөл байдлын талаарх мэдээллийг доорх линкээр орж бөглөнө үү.