Бизнес эрхлэгч эмэгтэйчүүдийг дэмжихэд хамтарч ажиллах талаар ярилцлаа
МҮХАҮТ-ын Ерөнхийлөгч О.Амартүвшин, УИХ-ын дэд дарга С.Одонтуяа, “Мongol made”-ийг үүсгэн байгуулагч Б. Пунсалмаа болон бизнес эрхлэгч эмэгтэйчүүдийг дэмжих нөлөөллийн бүлгийн төлөөллийг хүлээн авч уулзлаа. УИХ-ын дэд дарга С.Одонтуяагийн санаачилгаар бизнес эрхлэгч эмэгтэйчүүдийг дэмжих, эрх зүйн орчныг нь таатай болгох зорилгоор “Тэгш оролцоо-Тэнцвэртэй харилцаа” нөлөөллийн бүлэг байгуулагдаж, үйл ажиллагаагаа эхлүүлжээ.
Уулзалтаар хөнгөлөлттэй зээл, зээлийн барьцаа хөрөнгө, хууль эрх зүйн орчин зэрэг бичил бизнес эрхлэгч эмэгтэйчүүдэд тулгамддаг асуудлуудыг хөндөн ярилцав. Бизнес эрхлэгч эмэгтэйчүүдийг дэмжих нөлөөллийн бүлгийн зүгээс орон нутагт ажиллахад салбар танхимаараа дамжуулан дэмжлэг үзүүлэх, гадаад дотоодын үзэсгэлэн яармагт оролцож, бүтээгдэхүүнээ борлуулах хүсэлтэй байгаагаа илэрхийлсэн юм.
Уулзалтын дунд бизнес эрхлэгч эмэгтэйчүүдийг чадавхжуулах, хууль эрх зүйн орчныг сайжруулах хүрээнд төлөвлөгөө гарган, хамтран ажиллахаар тогтлоо.