Экспорт, импортын барааны магадлан шалгах хөндлөнгийн шинжээчийн үйлчилгээг үзүүлж байна

МҮХАҮТ-аас гадаад худалдааны үйл ажиллагааны явцад гардаг төрөл бүрийн маргааны үед талуудын аль алиных нь эрх ашгийг үл хамгаалах зарчмыг баримтлан хөндлөнгийн шалгалт хийж, нотолгоо гаргаж өгөх зорилгоор экспорт, импортын барааны магадлан шалгах хөндлөнгийн шинжээч /ЭКСПЕРТИЗ/-ийн үйлчилгээг үзүүлж байна.

Монголын ба гадаадын аж ахуйн нэгж, байгууллага, хувь хүний захиалгын үндсэн дээр гадаад худалдааны гэрээгээр нийлүүлэгдэж буй төрөл бүрийн бараа, тоног төхөөрөмж, түүхий эдийг экспортлох, импортлох явцад элбэг тохиолддог барааны тоо, чанар, иж бүрдэл, марк, тип, артикул зөрөх, нийлүүлэлтийн хугацаа хоцрох зэрэг зөрчлүүдийг илрүүлж сертификат гаргаж өгдөг.

Тус сертификат нь Монгол Улсын болон олон улсын хэмжээнд хүлээн зөвшөөрөгдсөн эрх зүйн баримт болж хохирлыг барагдуулахаас гадна, гаалийн болон бусад татвар төлөх хэмжээг үнэн зөв тогтоож, гэмтэлтэй буюу дутуу ирсэн, чанар нь муудсан бараа, тоног төхөөрөмж, түүхий эдийн онцгой болон бусад төрлийн татварыг буцаан олгох мөн даатгалын байгууллагатай тооцоо хийхэд үндэслэх баримт болдог.

Дэлгэрэнгүй мэдээллийг энд дарж авна уу.