Манжуур хотын үзэсгэлэн, бизнес уулзалт эхэллээ
МҮХАҮТ, БНХАУ-ын ӨМӨЗО-ны Манжуур хотын Ардын Засгийн Ордон хамтран “Манжуур хотын эдийн засаг хамтын ажиллагааны төсөл танилцуулах уулзалт, үзэсгэлэн худалдаа 2023” арга хэмжээг МҮХАҮТ-ын Их танхимд зохион байгуулж байна. Тус хотын үзэсгэлэн нээлтээ хийсэн бөгөөд 14:00 цагаас хамтын ажиллагааны төсөл хөтөлбөрүүдийг танилцуулж, Хамтын ажиллагааны санамж бичигт гарын үсэг зурах ёслол болно.
МҮХАҮТ-д зохион зохион байгуулагдаж буй үзэсгэлэн, бизнес уулзалтад:
- Порт групп: Аялал жуулчлал, олон улсын худалдаа, тээвэр
- Фада аж үйлдвэрийн компани: Олон улсын худалдаа, аялал жуулчлалын хөрөнгө оруулалт
- Хятадын Төмөр зам баялаг группийн Шиншин компани: хар тугалга, цайрын уурхайн олборлолт, боловсруулалт
- Жинюань Кайтай импорт, экспортын компани: Худалдаа, хөдөө аж ахуйн бүтээгдэхүүн үйлдвэрлэл, нарийн боовны үйлдвэрлэл, махан бүтээгдэхүүний боловсруулалт
- Хакес Оросын махан бүтээгдэхүүн боловсруулах компани: Хүнсний бүтээгдэхүүний судалдаа, үйлдвэрлэл, борлуулалт
- Кайшэн худалдааны групп: Мод боловсруулалт, олон улсын худалдаа
- Шин Вэй Ян эдийн засаг худалдааны компани: Бараа бүтээгдэхүүн, технологийн экспорт, импорт, барилгын материалын худалдаа
- Ариун импорт, экспортын компани: Гар урлалын бөөний худалдаа, мах, сүүн бүтээгдэхүүний импорт, экспорт
- ИфэнХаоДа автомашины худалдааны компани: Автомашины худалдаа
- Манжуур худалдааны төв
- Манжуур хотын хүнсний бүтээгдэхүүн боловсруулах үйлдвэр
- Манжуур хотыг Амин хайр худалдааны компани: өргөн хэрэглээний бараа бүтээгдэхүүний импорт, экспорт
- Нара соёлын зууч компани: Соёл урлагийн тоглолт, хувцас загвар, соёлын арга хэмжээ
Манжуур хот нь БНХАУ-ын хилийн аялал жуулчлалын бүс бөгөөд үр тариа, авто машин импортолж, хил дамнасан цахим худалдааг явуулж байна. "Бүс ба зам" болон Хятад-Монгол-Оросын эдийн засгийн коридорын бүтээн байгуулалтын чухал зангиалаа хотын хувьд Хятад-Оросын худалдааны хуурай замын тээврийн 65 гаруй хувийг эзэлдэг, Хятадын хамгийн том хуурай замын боомт юм.
