Израил Улсаас Монгол Улсад хавсран суух Онц Бөгөөд Бүрэн Эрхт Элчин сайд Ирит Бен-Абба Витале-г хүлээн авч уулзлаа
Монголын үндэсний худалдаа, аж үйлдвэрийн танхимын Ерөнхийлөгч О.Амартүвшин Израил Улсаас Монгол Улсад хавсран суух Онц Бөгөөд Бүрэн Эрхт Элчин сайд Ирит Бен-Абба Витале-г 2023 оны 3 дугаар сарын 28-ны өдөр хүлээн авч уулзлаа. Уулзалтын үеэр Израил Улстай худалдааны эргэлтийг нэмэгдүүлэх, компани хоорондын хамтын ажиллагааг бий болгоход харилцан мэдээлэл солилцох, хүлэмжийн аж ахуй, усжуулалт, үр суулгах зэрэг хуурай цаг агаартай нутагт хөдөө аж ахуйг хөгжүүлсэн шинэлэг технологи, нөү-хау-г Монгол Улсад нэвтрүүлэхэд хамтран ажиллах талаар санал солилцлоо.
Элчин сайд Ирит Бен-Абба Витале 2023 оны 10 дугаар сард Израил Улсын Тэл-Авив хотод болох хөдөө аж ахуйн “Агри-Тек” олон улсын үзэсгэлэнд оролцохыг урив. Мөн Монгол Улстай хамтран ажиллах сонирхолтой израилын компани, аж ахуйн нэгжүүдийн каталогийг гардуулав.
