Харвард Менеж-Ментор хөтөлбөрийн төгсөлт боллоо
МҮХАҮТ-ын дэргэдэх Бизнес академиас хэрэгжүүлж буй Harvard Business Publishing- ний Harvard ManageMentor (Харвард - Менеж Ментор) Монгол дахь хөтөлбөрийн төгсөлт боллоо.
Дэлхийн шилдэг боловсролыг эх орондоо, эх хэлээрээ эзэмшиж, монгол менежерүүдэд манлайллын ур чадвар, карьераа өсгөх боломж олгож байгаа энэхүү хөтөлбөрийн энэ удаагийн курсийг 50 гаруй менежер, дунд, түүнээс дээш шатны удирдлагууд төгсч Харвард Бизнес Паблишингийн сертификатыг гардаж аваад байна.
Харвардын эксперт, манлайлагчдын хамгийн сүүлийн үеийн чухал санаа, сэтгэлгээ, судалгаа, практикаар батлагдсан энэхүү менежментийн сургалт нь Өөрийгөө удирдах, Бусдыг удирдах, Бизнес удирдах гэсэн үндсэн 3 хэсэгтэй, нийт 41 модуль сэдэвтэй, 5 сарын хугацаанд үргэлжилдэг, онлайнд суурилсан, сүүлийн 20 гаруй жилд тасралтгүй шинэчлэгдэж байгаа сургалтын цогц платформ юм.
Компанийн гүйцэтгэх удирдлагын багийнхны хувьд тулгараад байгаа сорилтуудыг даван туулах оновчтой шийдвэрүүдийг гаргах, удирдлагын хэв маяг, арга хэлбэрээ өөрчлөх, хамтын ажиллагааг шинэ түвшинд гаргах, тасралтгүй суралцах зэрэг олон зүйлсийг өнөөдрийг хүртэл хийж дадсанаараа бус шинэ хандлагаар, инновацид чиглэсэн арга хэрэгсэлд суралцахад нь туслахад “Harvard ManageMentor” хөтөлбөр чиглүүлэх болно.
“Harvard ManageMentor” хөтөлбөрийн дараагийн элсэлт 2023 оны 3 сарын 27-нд эхлэх бөгөөд Бизнесээ удирдах хандлага, сэтгэлгээ , арга барил, манлайллаа өөрчлөх, глобал удирдагч болох боломжийг танд олгож байна.
Нийт төгсөгчиддөө талархал илэрхийлж, та бүхний цаашдын манлайлалд амжилт хүсье.
