Дэлхийн томчууд нэг дор Лас Вегасын СON EXPO-д

Монголын Үндэсний Худалдаа Аж Үйлдвэрийн Танхим АНУ-ын Невада мужийн Лас Вегас хотод 3 жил тутамд 1 удаа АНУ-ын Худалдааны яамны Худалдааны арга хэмжээний түншлэлийн хөтөлбөрийн дэмжлэгтэйгээр зохион байгуулагддаг АНУ-ын хамгийн том Барилга, Уул уурхайн үзэсгэлэнг танхимын гишүүн 15 байгууллагын 20 гаруй төлөөлөгч үзэж сонирхон, оролцож байна.

Уг үзэсгэлэнд

• Дэд бүтцийн засвар үйлчилгээ,
• Хөдөлгүүр, эд анги, электрон хэрэгсэл,
• Асфальт, агрегат, бетон зуурмаг,
• Газар хөдлөлтийн тоног төхөөрөмжүүд,
• Өргөгч, зөөх машин механизм,
• Газар доорхи бүтээн байгуулалтын машин тоног төхөөрөмж,
• Бизнесийн үйл ажиллагааны зөвлөгөө,
• Ажлын байран дээрхи багаж хэрэгсэл,
• ХАБ, Технологийн сүүлийн үеийн шийдлүүд,
• Зөөврийн эрчим хүч гэх мэт бүх салбар хамаарагдана.

Тус үзэсгэлэнгийн давуу талууд:

• 3 жил тутамд нэг удаа болдог
• Олон улсын 130 гаруй улс болон АНУ-аас 1800 салбарын томоохон үйлдвэрлэгчид 251,000 м2 үзэсгэлэнгийн талбайд оролцдог барилга, уул уурхайн хамгийн том үзэсгэлэн
• 150 гаруй салбарын сургалт, технологийн хэлэлцүүлэг болдог
• Дэлхийн хамгийн сүүлийн үеийн тоног төхөөрөмж, үйлчилгээг өөрийн биеэр үзэж, судлах боломжтой
• Hyundai, Komatsu, John Deere, Hitachi, Caterpillar, Liebherr, Volvo дэлхийн шилдгүүдийг дэргэдээс нь үзэж сонирхож байна.

Үзэсгэлэн 3-р сарын 14-18-нд Лас вегас хотын үзэсгэлэнгийн танхимд зохион байгуулагдаж байна.