Бизнес эрхлэгч эмэгтэйчүүддээ “Монконди” чихэр, амттаны үйлдвэртэй танилцуулах арга хэмжээг зохион байгууллаа
Монголын Үндэсний Худалдаа Аж Үйлдвэрийн Танхимаас Бизнес эрхлэгч эмэгтэйчүүддээ Бид аз жаргалыг үйлдвэрлэдэг уриатай “Монконди” чихэр, амттаны үйлдвэртэй танилцуулах арга хэмжээг 3-р сарын 6-ны өдөр зохион байгууллаа.
Аялал-уулзалтын үеэр үйлдвэрийн дарга Э.Батболд бизнесийн түүх, онцлог, хамтран ажиллах боломжуудын талаар болон оролцогчдын сонирхсон асуултуудад хариулж, үйлдвэрээ танилцууллаа. Тус арга хэмжээнд нийт 20 бизнес эрхлэгч эмэгтэй хамрагдлаа.
БОСА Холдинг ХХК нь 25 жилийн турш дотоодын зах зээлд чихэр импортолсон туршлага дээрээ үндэслэн, дотоодын зах зээлийн 10 орчим хувийг хангах чихэр, амттаны үйлдвэрлэлээ 2019 оноос эхлээд байгаа билээ.
“Боса Кондитер” ХХК-ийн “Монконди” чихрийн үйлдвэр нь хамгийн чанартайг хүргэх зорилгынхоо дагуу дэлхийд тэргүүлэгч, томоохон үйлдвэрлэгч улсуудаас орц найрлагаа татан авч, Монголдоо Монгол амттан үйлдвэрлэж байна.
Бизнес аялалд хамрагдсан оролцогчдодоо амжилт хүсье.
