“Бизнесийн ёс зүй, сайн засаглал, зөв менежментийн тогтолцоо” дугуй ширээний уулзалт, ярилцлага боллоо
Бизнесийн ёс зүйн төвөөс зохион байгуулсан “Бизнесийн ёс зүй, сайн засаглал, зөв менежментийн тогтолцоо” сэдэвт дугуй ширээний уулзалт ярилцлага 2 дугаар сарын 16-нд болж, уулзалтад төрийн байгууллага, төрийн өмчит компани, “АПУ ХК”, “Инвескор ББСБ ХК” “Скайтел ХХК” зэрэг хувийн хэвшлийн байгууллагуудын төлөөлөл болон Монгол Улсын Их Сургууль, Санхүү Эдийн Засгийн Их Сургууль зэрэг их дээд сургуулийн төлөөллүүд оролцлоо.
Уулзалтын эхэнд Мэдлэг, ур чадварын институтийн захирал Т.Мөнгөнбөгж, Глобал Куалити байгууллагын захирал Ц.Хишигжаргал нар олон улсад мөрдөгдөж буй стандартууд, стандартуудыг нэвтрүүлэх, хэвшүүлэхэд байгууллагуудад тулгамддаг сорилт бэрхшээл, түүнийг даван туулах арга замуудын талаар мэдээлэл хийв.
Оролцогчдын зүгээс компаниудын хувьд олон улсын ISO стандартуудыг нийгмийн хариуцлагын хүрээнд санхүүжилт гарган хэрэгжүүлж буй боловч төрийн байгууллагуудын хяналт шалгалтууд нь үйл ажиллагаа явуулахад хүндрэл учруулдаг талаар дурдлаа.