“EXECUTIVE SUMMIT 2023” Гүйцэтгэх удирдлагын дээд уулзалтыг “ӨӨРЧЛӨЛТӨӨР МАНЛАЙЛЪЯ” уриан дор 3 дахь жилдээ амжилттай зохион байгууллаа
МҮХАҮТ-ын Бизнес Академиас бизнесийн салбарын өмнө тулгамдаж байгаа сорилтуудын шийдлийг эрэлхийлж “EXECUTIVE SUMMIT 2023” Гүйцэтгэх удирдлагын дээд уулзалтыг “ӨӨРЧЛӨЛТӨӨР МАНЛАЙЛЪЯ” уриан дор 3 дахь жилдээ 2023 оны 02 сарын 09-ний өдөр амжилттай зохион байгууллаа.
ӨӨРЧЛӨЛТӨӨР МАНЛАЙЛЪЯ уриан дор зохион байгуулагдсан уг арга хэмжээг нээж МҮХАҮТ-ын Ерөнхийлөгч О.Амартүвшин оролцож, арга хэмжээний үндсэн санаачилгыг өрнүүлж, гол илтгэгч болох "Пенсильвани их сургууль, Вартон сургууль" -ийн профессор КЭТИ МИЛКМЭН өөрчлөлтөд дасан зохицох, даван туулах, эрсдлээс урьдчилан сэргийлэх өөрчлөгдөх дадал зуршлыг бий болгох талаар үнэ цэнтэй шууд ярилцлага өрнүүллээ.
Мөн “ХАМТЫН МАНЛАЙЛАЛ & МАНЛАЙЛЛЫН ЧАНАР” сэдвээр "Харвард Бизнес Сургууль, Паблишинг" - ийн Бүсийн захирал ПЕРДИЙП КУМАР, “КОМПАНИЙН ЗАСАГЛАЛ” сэдвээр Английн " Институт Директор " -ийн Бодлого & Компанийн засаглал хариуцсан захирал РОЖЕР БАРКЕР нар удирдлагын манлайлал, менежментийн чанартай боловсрол болон компанийн засаглалын талаар илтгэл танилцуулсан бол “ХАРИУЦЛАГАТАЙ БИЗНЕС ЭРХЛЭХ НЬ: ЗӨВ БОЛОН УХААЛАГ ЗҮЙЛ ХИЙХ НЬ” сэдвээр НҮБХХ-ийн Бизнес ба хүний эрхийн Олон улсын зөвлөх ЛИВИО САРАНДРЕА ёс зүйтэй, хүний эрхийг дээдэлсэн бизнесийн зарчмын талаар санал бодлоо солилцож оролцлоо.
Харин бидний зүгээс, “ХӨГЖЛИЙН ХУРДАСГУУР” сэдвээр Шинэ сэргэлтийн бодлогын хурдасгуур төвийн Гүйцэтгэх захирал Б.Дөлгөөн, “ГҮЙЦЭТГЭХ УДИРДЛАГЫН БОЛОВСРОЛ: БИЗНЕСИЙН ШИНЭ ДАВАЛГААН ДАХЬ СЭЛЭЛТИЙН ТЕХНИК” сэдвээр Бизнес Академийн захирал Д.Асралт нар шинэлэг, сонирхолтой илтгэл танилцуулж, өөрчлөлтийн давалгааг өөрсдөөсөө эхлүүлж “CEO RADAR” тинк-танк нетворкт нэгдэн манлайлахыг уриаллаа.
“EXECUTIVE SUMMIT 2023” арга хэмжээний энэ жилийн онцлог бол “ХЭРХЭН ӨӨРЧЛӨХ, ӨӨРЧЛӨГДӨХ ВЭ?” сэдэвт шинэлэг воркшоп байсан бөгөөд, воркшопын төгсгөлд оролцогчид энэ ондоо өөртөө болон компанидаа зориулан бичсэн “өөрчлөлтийн захидал” байлаа.
Гүйцэтгэх удирдлагуудын панел хэлэлцүүлэгт:
- БИЗНЕС МОДЕЛЫН ИННОВАЦИ БА ТОГТВОРТОЙ ХӨГЖИЛ
- ЁС ЗҮЙТЭЙ МАНЛАЙЛАЛ & ОЛОН УЛСЫН ЗАХ ЗЭЭЛ
- ӨӨРЧЛӨЛТИЙГ ТАЛЕНТУУД УДИРДАХ УУ?, УДИРДАГЧИД МАНЛАЙЛАХ УУ? зэрэг дээрх гурван сэдвийг онцолж богино хугацаанд үр дүнтэй, өгөөжтэй хэлэлцүүлгийг өрнүүллээ.
Өнөөдөр бизнесийн байгууллагад ямар өөрчлөлт хийх хэрэгтэй вэ? Өөрчлөлтийг хэрхэн хийх вэ? Юу хийх шаардлагатай вэ? зэрэг асуултуудад Бизнес Академийн зөвлөх Д.Ерөө дүгнэлт хийн уулзалт хэлэлцүүлгийн үр дүнгийн нэгтгэлийг танилцуулж:
“Тогтвортой хөгжлийн зарчимд суурилсан бизнес загвар тодорхойлох, ёс зүйтэй, хариуцлагатай бизнесийг төлөвшүүлэхэд суралцах, компанийн засаглалын тогтолцоог олон улсын стандартад нийцүүлэх, олон улсын стандартад нийцсэн бүтээгдэхүүн үйлчилгээ, тогтолцоог нэвтрүүлэх, хамтын манлайллын зарчмыг баримтлан сайн туршлагаа хуваалцах, суралцах орчин бүрдүүлэх” – ийг нийт оролцогчиддоо уриаллаа.
Та бүхний хамтын манлайлал бизнесийн шинэ давалгаанд өөрчлөлтийг манлайлж, хүчирхэг компаниудыг бий болгоход хувь нэмэр оруулна гэдэгт итгэлтэй байна. бид хамтын хүчээр илүү сайхан нийгмийг бүтээх, хурдтай хөгжих боломжтой билээ.
Биднийн ажлыг дэмжин хамтран ажилласан байгууллагууддаа гүн талархал илэрхийлж амжилт хүсье.
PLATINIUM ивээн тэтгэгч: D-Light
GOLD ивээн тэтгэгч: ХААН банк Khan Bank
SILVER ивээн тэтгэгч: ТЭСО Групп TESO Group
Мэдээллийн ивээн тэтгэгч:
Business.mn Business.MN
Tenger TV TenGer TV
Unread Unread
