Бизнесийн ёс зүй, шударга байдлыг бэхжүүлэх төслийн удирдах хорооны хурал боллоо
Монголын Үндэсний Худалдаа Аж Үйлдвэрийн Танхим, "Транспэрэнси Интернэшнл Монгол" ТББ болон “Рио Тинто Монгол” ХХК хамтран хэрэгжүүлж буй “Бизнесийн ёс зүй, шударга байдлыг бэхжүүлэх” төслийн удирдах хорооны хурал "Рио Тинто Монгол" ХХК-ийн байранд (2023.02.08) болж, төслийн үйл ажиллагааны тайлан, төлөвлөгөөний талаар хэлэлцэв.
"Рио Тинто Монгол" ХХК-ийн дэд захирал Петер Батлер хурлын эхэнд МҮХАҮТ төслийг хэрэгжүүлэхэд манлайлан, удирдлагааар ханган ажиллаж буйд талархал илэрхийлсэн бол МҮХАҮТ –ын Ерөнхий нарийн бичгийн дарга С.Баясгалан Петер Батлер захиралд хандан тус төслийн танхимын гишүүдэд бизнесийн ёс зүй, комплаенсын чиглэлээр олгож буй мэдлэг, ур чадвар нь эрэлт хэрэгцээнд нийцсэн, цаг үеэ олсон санаачилга болсон гэлээ.
Бизнесийн ёс зүйн төвөөс дараагийн шатны сургалтууд, дугуй ширээний ярилцлага, хэлэлцүүлэг болон Бизнесийн Ёс Зүй, Комплаенсын Үндэсний II Форумыг зохион байгуулах зэрэг ажлууд хийхээр төлөвлөж байна.