"Шидэт цагаан сар" Монгол-Оросын олон улсын үзэсгэлэнд оролцсон Монголын аж ахуйн нэгжүүд нийт 477 сая төгрөгийн борлуулалт хийлээ
Монгол Улсаас ОХУ-ын Улаан-Үд хотод суугаа Ерөнхий Консулын газар, Монголын Үндэсний Худалдаа Аж Үйлдвэрийн Танхим, Сэлэнгэ аймгийн Засаг даргын Тамгын газар, ОХУ-ын Бүгд Найрамдах Буриад Улсын Засгийн газар, Буриадын Экспортыг Дэмжих Төв, "Байкал Экспо" ХХК хамтран зохион байгуулсан "Шидэт цагаан сар" Монгол-Оросын олон улсын үзэсгэлэн яармаг 2023 оны 2 дугаар сарын 8-12-ны өдрүүдэд Улаан-Үд хотод амжилттай болж, өндөрлөлөө.
"Шидэт цагаан сар" Монгол-Оросын олон улсын үзэсгэлэнд оролцсон Монголын нийт аж ахуйн нэгжүүд зургаан өдрийн турш 60 гаруй нэр төрлийн бараа бүтээгдэхүүнээ борлуулж, 477 сая төгрөгийн борлуулалт хийв. Үзэсгэлэнд оролцсон Монголын үндэсний үйлдвэрлэгч ААН-үүдэд үзэсгэлэн худалдааг Буриад улсын талаас зохион байгуулагчид дурсгалын бичиг гардууллаа.
