“EXECUTIVE_SUMMIT 2023” гүйцэтгэх дээд удирдлагуудын уулзалт-хэлэлцүүлэг “ӨӨРЧЛӨЛТӨӨР МАНЛАЙЛЪЯ” уриан дор болж байна
Executive Summit 2023 гүйцэтгэх дээд удирдлагуудын уулзалт-хэлэлцүүлэг “ӨӨРЧЛӨЛТӨӨР МАНЛАЙЛЪЯ” уриан дор гурав дахь жилдээ зохион байгуулагдаж байна. Нээлтийн арга хэмжээнд МҮХАҮТ-ын Ерөнхийлөгч О.Амартүвшин оролцож, арга хэмжээний үндсэн илтгэлийг хэлэлцүүллээ.
Бизнесийн ертөнцийн уур амьсгалын хурдтай өөрчлөлтөд хэрхэн дасан зохицох, өөрчлөлтийг хэрхэн удирдах, хэрхэн хамтын манлайллыг бий болгох вэ гэдэг хавсарсан сорилтуудаас үүдсэн тодорхойгүй байдалтай нүүр тулаад байгаа.
Олон улсын зөвлөх байгууллага Deloitte-ийн 2022 онд Топ компаниудын гүйцэтгэх захирлуудын дунд явуулсан судалгаагаар:
- тодорхойгүй байдал
- инфляци
- хамтын манлайлал
- талент менежмент нь тэдний өмнө тулгамдаж байгаа томоохон сорилтууд болоод байгаа бөгөөд дэлхий дахины өөрчлөлтийн хурдацтай хөл нийлүүлэн алхахын хэрээр компаниуд хүчирхэгжих боломжтой гэж үзэж байна.
Иймд МҮХАҮТ-аас бизнесийн салбарын өмнө тулгамдаж байгаа сорилтуудын шийдлийг эрэлхийлж “EXECUTIVE SUMMIT 2023” Гүйцэтгэх удирдлагын дээд уулзалтыг “Lead by change” уриан дор зохион байгуулж байна. Энэ удаагийн уулзалт-хэлэлцүүлэгт:
- "СОРИЛТ & ӨӨРЧЛӨЛТ" сэдвээр " Пенсильвани их сургууль, Вартон сургууль " -ийн профессор КЭТИ МИЛКМЭН
- “ХАМТЫН МАНЛАЙЛАЛ & МАНЛАЙЛЛЫН ЧАНАР” сэдвээр "Харвард Бизнес Сургууль, Паблишинг" - ийн Бүсийн захирал ПЕРДИЙП КУМАР
- “КОМПАНИЙН ЗАСАГЛАЛ” сэдвээр Английн " Институт Директор " -ийн Бодлого & Компанийн засаглал хариуцсан захирал РОЖЕР БАРКЕР
- “ХАРИУЦЛАГАТАЙ БИЗНЕС ЭРХЛЭХ НЬ: ЗӨВ БОЛОН УХААЛАГ ЗҮЙЛ ХИЙХ НЬ” сэдвээр НҮБХХ-ийн Бизнес ба хүний эрхийн Олон улсын зөвлөх ЛИВИО САРАНДРЕА зэрэг олон улсын шилдэг судлаач, эрдэмтэд болон үндэсний лидерүүд илтгэл хэлэлцүүлж, ярилцлага өрнүүлж байна.