Мэргэжлийн өндөр мэдлэг, ур чадвартай ажилтан бэлтгэхэд хувийн хэвшлийн оролцоог нэмэгдүүлэх чиглэлээр хамтран ажиллана

Ажил олгогч байгууллагын эрэлт, хэрэгцээнд нийцсэн мэргэжлийн өндөр мэдлэг, ур чадвартай ажилтан бэлтгэхэд хувийн хэвшлийн оролцоог нэмэгдүүлэх, мэргэжлийн боловсролын хосмог тогтолцоог нэвтрүүлэх, төлөвшүүлэх, ажил олгогчийн сургалт үйл ажиллагааны чанарыг дээшлүүлэх, мэргэжлийн боловсрол сургалтын салбарт шинэлэг технологи, инновацыг нэвтрүүлэх, боловсон хүчний мэргэшлийн ур чадварыг хөгжүүлэхэд чиглэлүүдээр хамтран ажиллахаар Монголын Үндэсний Худалдаа Аж Үйлдвэрийн Танхим, Ур Чадвар Үйлдвэрлэлийн Холбоо хооронд хамтын ажиллагааны санамж бичиг байгууллаа. Санамж бичигт МҮХАҮТ-ын дарга Т.Дүүрэн, Ур Чадвар Үйлдвэрлэлийн Холбооны тэргүүн Д.Энхжаргал нар гарын үсэг зурж, баталгаажуулав.