Бизнес эрхлэгч эмэгтэйчүүдэд зориулан сургалт-зөвлөгөө өгөх ажлыг зохион байгууллаа

МҮХАҮТ-аас Бизнес эрхлэгч эмэгтэйчүүдэд зориулан “Оюуны өмчийн эрхийн хамгаалалт”, “Бизнесээ бүртгүүлэх” сургалт-зөвлөгөө өгөх ажлыг (2023.01.25) зохион байгууллаа.

Оюуны өмчийн эрхийн хамгаалалт бизнесийн үйл ажиллагаанд яагаад чухал вэ, бизнес эрхлэгчид юун дээр ихэвчлэн алдаж байгаа талаар кейс танилцуулга хийж, оюуны өмчийн эрхийн төрлүүд, хугацаа, тавигдах шаардлагуудын талаар мэдээллийг өөрсдийнх нь эрхэлж буй бизнестэй уялдуулан хүргэв.

Зарим эмэгтэйчүүдийн хувьд хараахан бизнесээ эхлээгүй учраас аж үйлдвэрийн өмч, тэр дундаа патентын талаарх ойлголтгүй байсан учир мэдээллийг хаанаас хэрхэн хайх, өөртөө ашигтайгаар хэрхэн ашиглах талаар зөвлөж, оюуны өмчийн мэдээллийн санг танилцуулсан нь практик ач холбогдолтой байлаа.

Зөвлөгөө-сургалтад хамрагдсан дийлэнх эмэгтэйчүүд бизнесийн санаагаа хаанаас эхлэхээ мэдэхгүй байгаагаа илэрхийлж байлаа. Бизнесээ бүртгүүлэх нь хуулийн дагуу үйл ажиллагаа явуулах нөхцөлийг бүрдүүлэх ач холбогдолтойг зөвлөсөн арга хэмжээнд нийт 14 бизнес эрхлэгч эмэгтэй хамрагдлаа.