Лондон хотын Худалдаа, аж үйлдвэрийн танхимтай хамтран ажиллана
Монгол Улс, Их Британи, Умард Ирландын Нэгдсэн Хаант Улсын хооронд дипломат харилцаа тогтоосны 60 жилийн ой энэ онд тохиож байна. Ойн хүрээнд хоёр улсын хувийн хэвшлийн аж ахуйн нэгжүүдийн хамтын ажиллагааг нэмэгдүүлэх, худалдаа, эдийн засаг, хөрөнгө оруулалтын харилцааг идэвхжүүлэх арга хэмжээг Их Британийн талтай хамтран зохион байгуулахаар төлөвлөж байна.
Энэ хүрээнд Лондон хотын Худалдаа, аж үйлдвэрийн танхимтай танилцах, хамтын ажиллагааны талаар санал солилцох цахим уулзалтыг зохион байгууллаа. Уулзалтад МҮХАҮТ-ыг төлөөлж Ерөнхий нарийн бичгийн дарга С.Баясгалан, Лондон хотын ХАҮТ-аас Эвент арга хэмжээ хариуцсан дарга Викториа Жэйн болон бусад төлөөлөл оролцлоо.
Уулзалтын мөрөөр талууд цаашдын хамтын ажиллагааны чиглэлүүдийг тодорхойлох, төлөвлөгөө боловсруулах, санамж бичгээр баталгаажуулах зэргээр ажиллахаар тохиролцлоо.
