Шинэ гишүүний гэрчилгээ гардуулах ёслол боллоо
МҮХАҮТ-д 2022 оны 4-р улиралд шинээр элссэн болон гишүүний ангилал дээшлүүлсэн компаниудад МҮХАҮТ-ын Гишүүнчлэлийн газрын дарга Ц.Магнайбаатар Гишүүний гэрчилгээг гардууллаа.
Мөн энэ үеэр МҮХАҮТ-ын Патент, барааны тэмдэг, газар зүйн заалтын газрын дарга С.Дүүрэнжаргал "Оюуны өмчийн ерөнхий ойлголт", ХНХЯ-ны Хүн амын хөгжлийн бодлогын хэрэгжилтийг зохицуулах газрын дарга С.Тунгалагтамир "Хөгжлийн бэрхшээлтэй иргэдийн талаар төрөөс баримталж буй бодлого болон Ахмад настны хуулийг хэрэгжүүлэхэд ажил олгогч нар анхаарах асуудлууд", Төрийн банкны Бүтээгдэхүүн хариуцсан мэргэжилтэн А.Содномпэлжээ "Санхүүгийн боловсрол"-ын талаар тус тус танилцуулга хийв.
МҮХАҮТ-ын гишүүн болсноор Танхимаас зохион байгуулж буй арга хэмжээнүүдэд оролцох, бизнесийн түншлэлээ өргөжүүлэх, ААН-үүдийн үндэсний хэмжээний мэдээллийн нэгдсэн сүлжээ www.trademongolia.mn -д мэдээлэл, үйл ажиллагаа, бүтээгдэхүүнээ байршуулж, сурталчлах боломжтой. Түүнчлэн гишүүнчлэлийн ангиллаас хамаарч, МҮХАҮТ-аас үзүүлдэг үйлчилгээнүүдэд хөнгөлөлт эдэлдэг.