Д.Баясгалан: Ур чадвартай залуусыг зөв ажлын байран дээрээ ажиллах боломжийг бүрдүүлэх нь чухал
Монгол Улсын Засгийн газраас төрийн өмчит компанийн засаглалыг сайжруулах, өрсөлдөх чадварыг нэмэгдүүлэх, хөрөнгө оруулалт татахын тулд эхний ээлжинд “Эрдэнэс Монгол” компанийн бүтцийг шинэчилж, нийт долоон газар, долоон хэлтэс үйл ажиллагаа явуулах ба нийт дүнгээрээ 88 орон тоонд нээлттэй сонгон шалгаруулалт зарласан билээ. Үүнтэй холбогдуулан Засгийн газрын хэрэг эрхлэх газар, Цахим хөгжил, харилцаа холбооны яам, МҮХАҮТ, Шинэ сэргэлтийн бодлогын хурдасгуур төвийн төлөөллөөс бүрдсэн Ажлын хэсэг өнөөдөр нээлттэй сонгон шалгаруулалтын талаар мэдээлэл хийлээ. Сонгон шалгаруулалт зохион байгуулах үйл явцад МҮХАҮТ оролцож буй.
МҮХАҮТ-ын Ерөнхий нарийн бичгийн дарга Д.Баясгалан “Манай зүгээс “Хүнд суртлын индекс” судалгааг хоёр жил тутам явуулдаг. Судалгааны үр днд төрийн үйлчилгээ хаана алдагдсан, хаана ямар асуудал тулгарч байгаа, төрийн хэрэгжүүлж буй төсөл, хөтөлбөрийг үр өгөөжтэй болгох чиглэлд судалгаа, зөвлөмжөө цаг тухайд нь танилцуулж ирсэн. Эдгээр судалгаанд суурилж улс орны бүтээн байгуулалтад оролцох боломжтой, нэн ялангуяа ур чадвартай залуусыг зөв ажлын байран дээрээ ажиллах боломжийг бүрдүүлэх, зохион байгуулах чиглэлд МҮХАҮТ оролцож байна. Зөвхөн сонгон шалгаруулалтаар зогсохгүй цаашид ажлын байранд шалгарсан залуучуудыг бизнесээ удирдах, төсөл, хөтөлбөрийг үр өгөөжтэй, бүтээмжтэй хэрэгжүүлэхэд ажын байран дээр ур чадварыг нь ахиулах, нэмэгдүүлэх чиглэлд хамтарч ажиллана” гэв.
Сонгон шалгаруулалтаар мэдлэг, ур чадварын тест авах юм.
МҮХАҮТ-ын дэргэдэх Бизнес академийн зөвлөх Д.Ерөө “Төрийн өмчит үйлдвэрийн газруудын хувьд анх удаа олон улсын стандартын дагуу хүний нөөцийн зарчимд суурилсан байдлаар сонгон шалгаруулалтыг зохион байгуулах гэж байна. Төрийн өмчит үйлдвэрийн газар ажиллах учраас хууль эрх зүй болон хөгжлийн төлөвлөлтийн талаарх ойлголтыг авна. Тэр нь 20 хувьтай байгаа. 50 хувь нь менежментийн болон харилцааны суурь ур чадварууд дээр суурилж байгаа. 30 хувь нь ажлын ярилцлага дээр буюу өөрийнхөө туршлагыг нотлох байгаа. Энэ бол олон улсын жишигт иймэрхүү байдлаар явагддаг. Эдгээр үнэлгээний аргачлал, арга зүйг Их, дээд сургуулийн эрэмдтэн судлаач, энэ чиглэлийн мэргэшсэн хүмүүстэй хамтраын сацуу олон улсын үнэлгээний арга зүй дээр суурилан боловсруулж байгаа” гэв. Шалгатын тестийг МҮХАҮТ, МУИС, СЭЗИС, Төрийн албаны зөвлөл гэсэн бүтэцтэйгээр боловсруулах юм.
