(+976) 7727-7070
info@mongolchamber.mn
08:30 - 17:30
Ажлын цаг

Булган аймгийн нийгэм, эдийн засаг, шилжилт хөдөлгөөний системийн динамикийн загварыг танилцууллаа

2022/12/02 0

НҮБ-ын Шилжилт хөдөлгөөний байгууллага, МҮХАҮТ, Булган аймгийн Засаг даргын Тамгын газар хамтран Булган аймгийн нийгэм, эдийн засаг, шилжилт хөдөлгөөний системийн динамик загварыг боловсруулснаа Булган аймгийн ИТХ-ын VIII дахь удаагийн сонгуулийн ээлжит XII хуралдаанд танилцуулав.

МҮХАҮТ-ын Ерөнхий нарийн бичгийн дарга С.Баясгалан танилцуулгын эхэнд “Систем динамикийн загварыг олон улсын түвшинд 1960-аад оноос хойш хэрэглэж ирсэн бөгөөд хөгжлийн асуудлуудаа тодорхойлоход ашиглаж ирсэн математик загварчлал. Богино хугацаанд Булган аймгийн хөгжлийг түргэтгэх, нөөцөө зөв удирдах, эдийн засгийн хөгжлийн төслүүдээ эрэмбэлэхэд уг загварчлал чиглэсэн. Хөгжлийн төслүүд тухайн аймгийн нөөцөд тулгуурладаг бол загварчлалыг боловсруулахдаа Орхон аймгаас шалтгаалан хэрхэн хөгжих боломж байна, Хөвсгөл аймаг руу чиглэсэн аялал жуулчлалын гол авто зам дагуух урсгалаас ямар үр ашиг хүртэх боломжтой вэ зэрэг бусад хүчин зүйлсийг авч үзэж, харилцан ашигтай загварчлахыг зорьсон” хэмээн тэмдэглэв.

Мөн Засгийн газрын “Шинэ сэргэлтийн бодлого”-д хот хөдөөгийн хөгжлийн сэргэлт буюу Улаанбаатар хотын асуудлуудыг шийдвэрлэхэд хөдөөгийн хөгжлийг цогцлуулснаар төвлөрлийг сааруулах бодлогыг хэрэгжүүлж байгаа. Булган аймгийн нийгэм, эдийн засаг, байгаль орчны үндсэн үзүүлэлтүүдийг өнөөгийн нөхцөл болон 2040 онд хүрэх хэтийн төсөөлөл, 30 сектор, 3000 хувьсагчаар динамик загварчлалыг боловсрууллаа. Эдгээр салбарын өгөгдлийг нэг загварчлалд оруулахаар нэг салбарт гарч буй өөрчлөлт бусад салбарт хэрхэн нөлөөлөхийг бодитоор харж болох боломж бүрдэж байна. Цаашид энэхүү систем динамик загварчлалын дагуу Булган аймагт хөрөнгө оруулалт татах чиглэлээр хамтран ажиллана” гэлээ.

"Валью Юнайтэд Партнерс" ХХК-ийн судалгааны мэргэжилтэн Б.Пүрэвжаргал: Булган аймгийн нийгэм, эдийн засаг, шилжилт хөдөлгөөний системийн динамик загварыг боловсруулах симуляцийн үр дүнд

- Аялал жуулчлалын цогцолбор

- Авто зам

- 8500 тонн багтаамжтай механикжсан, хөргүүртэй агуулах

- Нарийн ногооны өвлийн хүлэмж

- Мах болон дайвар бүтээгдэхүүний үйлдвэрлэл

- Ноос, ноолуур угаах үйлдвэрлэл

- Арьс шир боловсруулах анхан шатны үйлдвэрлэл

- Хог дахин боловсруулах үйлдвэр

- Сүү, сүүн бүтээгдэхүүний үйлдвэрлэлийн төслүүдийг хэрэгжүүлбэл нийгэм, эдийн засагт үзүүлэх нөлөө өндөр байгааг танилцуулав.

Эдгээр төслүүд хэрэгжвэл нийт цэвэр шилжилт 153,2 хувиар нэмэгдэж, шилжилт хөдөлгөөн эерэг боломж бүрдэнэ гэж тооцоолжээ. Түүнчлэн цаашид аялал жуулчлалыг хөгжүүлэх, хөдөө аж ахуйн бүтээгдэхүүний гарцыг нэмэгдүүлэхэд анхаарах шаардлагатайг онцлов.

ИТХ-ын төлөөлөгчдийн зүгээс Булган аймгийн нийгэм, эдийн засаг, шилжилт хөдөлгөөний системийн динамик загварын үр дүнтэй холбоотой асуулт асууж, хариулт авав. Математик загварчлал учраас шинжлэх ухааны үндэслэлтэй үр дүн хэмээн харж байна гээд цаашид аймгийн нийгэм, эдийн засгийг хөгжүүлэх бодлого, чиглэлтэй хэрхэн уялдуулах нь чухал асуудал гэлээ.

Сүүлд нэмэгдсэн мэдээ
Бизнесийн эрх зүйн орчинг боловсронгуй болгох чиглэлээр хамтран ажиллана
2023/02/03
"СИРМ" ХХК МҮХАҮТ-ын гишүүний ангиллаа ахиулж, "даймонд" гишүүн боллоо
2023/02/01
Манай арбитраас эрхлэн гаргаж буй "Арбитрын подкаст"-ын хоёр дахь дугаарыг та бүхэнд хүргэж байна
2023/01/31
900 мянга гаруй ажлын байр бий болгож буй жижиг дунд үйлдвэрлэлээ дэмжиж, эх оронч худалдан авалт хийхийг уриаллаа
2023/01/31
МҮХАҮТ-ын дэргэдэх Хууль зүйн бодлогын зөвлөлийн 2023 оны эхний хурал зохион байгуулагдлаа
2023/01/31
“ТОГТВОРТОЙ НООЛУУРЫН ҮНДЭСНИЙ ӨДӨР”-ийг тохиолдуулан Тогтвортой үйлдвэрлэл эрхлэгч байгууллагыг тодруулна
2023/01/31
МҮХАҮТ-ын 2023 оны 1 дүгээр сарын Мэдээллийн товхимолтой танилцана уу
2023/01/31
МҮХАҮТ "Эрдэнэс Монгол" ХХК-ийн нээлттэй сонгон шалгаруулалтын ярилцлагын шалгалтыг зохион байгуулж эхэллээ
2023/01/30
МҮХАҮТ-ын 42 төлөөлөгч 22 улсад ажиллаж байна
2023/01/27
Бизнес эрхлэгч эмэгтэйчүүдэд зориулан сургалт-зөвлөгөө өгөх ажлыг зохион байгууллаа
2023/01/27
Шилдэг аж ахуйн нэгжүүдийн тугийг мандууллаа
2023/01/25
МҮХАҮТ-ын дэргэдэх Итгэмжлэгдсэн лабораториудын зөвлөлийн хурал болж, 2023 оны төлөвлөгөөгөө хэлэлцлээ
2023/01/25
“Хариуцлагатай бизнес, шударга байдлын аргачлал хэвшүүлэх” сургалт боллоо
2023/01/25
МҮХАҮТ "Инвест Ховд хөрөнгө оруулалтын форум"-ын хамтран зохион байгуулагчаар оролцож байна
2023/01/19
Хөвсгөл аймгийн нийгэм эдийн засаг болон шилжилт хөдөлгөөний системийн динамик загварыг боловсруулна
2023/01/18
Сарлагийн хөөврөн бүтээгдэхүүний гүйцэтгэн боловсруулалтыг сайжруулах төслийн үр дүнд орон нутагт экспортын бүтээгдэхүүн үйлдвэрлэх хүчин чадал нэмэгджээ
2023/01/17
Хөвсгөлд зочлох жилийн хүрээнд аялал жуулчлалын салбарыг цахимжуулна
2023/01/16
Лондон хотын Худалдаа, аж үйлдвэрийн танхимтай хамтран ажиллана
2023/01/16
Бизнес Академи “Харвард бизнесийн сургууль”-тай хамтын ажиллагаагаа өргөжүүлж байна
2023/01/16
Шинэ гишүүний гэрчилгээ гардуулах ёслол боллоо
2023/01/16