Олон улсын хөрөнгө оруулалтын чуулга уулзалт (AIM)-тай гадаадын хөрөнгө оруулалтыг нэмэгдүүлэх чиглэлээр хамтран ажиллана
АНЭУ-д “Хөрөнгө оруулалтын парадигмын шилжилт: Эдийн засгийн тогтвортой өсөлт, төрөлжилт, хөгжил цэцэглэлтийг дэмжих хөрөнгө оруулалтын ирээдүйн боломжууд” сэдвийн хүрээнд 2023 оны 5-р сарын 8-10-ны өдрүүдэд зохион байгуулагдах Олон улсын хөрөнгө оруулалтын 12 дахь удаагийн чуулга уулзалт (AIM Global 2023)-ын тухай танилцуулах арга хэмжээ зохион байгуулагдлаа.
Олон улсын хөрөнгө оруулалтын чуулга уулзалт (AIM) нь бие даасан байгууллага бөгөөд тус нэр хүндтэй хөрөнгө оруулалтын чуулга уулзалтыг жил бүр зохион байгуулдаг. 2021 онд болсон 11 дэх удаагийн уулзалтад 174 оны 11,500 гаруй оролцогч оролцсон байна.
Танилцуулах арга хэмжээний үеэр МҮХАҮТ-ын Ерөнхий нарийн бичгийн дарга С.Баясгалан, AIM хөрөнгө оруулалтын чуулга уулзалтын Ерөнхий захирал ноён Валид Фаргал нар Монгол Улсад гадаадын хөрөнгө оруулалтыг нэмэгдүүлэх чиглэлээр хамтран ажиллах Санамж бичиг байгуулав.
