МҮХАҮТ-ын дэргэдэх Хууль зүйн бодлогын зөвлөлийн хурал боллоо

Хурлаар бизнесийн орчинд тулгамдаж буй асуудлын талаар санал солилцож, Зөвлөлийн үйл ажиллагаанд баримталбал зохих дүрмийн төслийг хэлэлцэн, тэргүүлэгч гишүүдээ сонгов.

Зөвлөлийн гишүүдээс МҮХАҮТ-ын дэргэдэх Хууль зүйн бодлогын зөвлөлийн үйл ажиллагаа аль нэг тухайлсан салбар эсвэл аль нэг компанийн эрх ашгийг илэрхийлэх бус бизнесийн нийтлэг хууль, эрх зүйн орчны тулгамдсан асуудалд дуу хоолойгоо хүргэх, хууль зүйн салбарын хөгжил, өөрчлөлт, шинэчлэлтэд хувь нэмрээ оруулахад чиглэх бөгөөд гишүүн нэг бүр нийтлэг эрх ашгийн төлөө Монгол Улсад хууль, эрх зүйн таатай орчныг бий болгоход анхаарч ажиллах шаардлагатайг онцлов.