"Соёлын аялал жуулчлалыг хөгжүүлэхэд соёлын бүтээлч үйлдвэрлэл эрхлэгчдийн оролцоо" салбар хэлэлцүүлэгт МҮХАҮТ-ын Ерөнхий нарийн бичгийн дарга С.Баясгалан оролцлоо
Соёлын яамнаас санаачлан зохион байгуулсан "Соёлын бүтээлч үйлдвэрлэл 2022" форумын "Соёлын аялал жуулчлалыг хөгжүүлэхэд соёлын бүтээлч үйлдвэрлэл эрхлэгчдийн оролцоо" салбар хэлэлцүүлэгт МҮХАҮТ-ын Ерөнхий нарийн бичгийн дарга С.Баясгалан оролцлоо.
"Цар тахлаас өмнө дэлхий дахинд жил бүр 1.4 тэрбум хүн аялаж, аялал жуулчлалын салбарын орлого 1.7 их наяд ам.долларт хүрсэн.
Аялал жуулчлалын салбар:
- Ажил эрхэлж буй 10 хүн тутмын 1 нь энэ салбарт ажиллаж
- Дэлхийн нийт бүтээгдэхүүний 10 хувь
- Дэлхийн нийт үйлчилгээний экспортыг 30 хувийг эзэлж байна.
Цар тахлын дараа аялал жуулчлал хурдтай сэргэж байна. Дэлхийн нийт аялал жуулчлалын 40 орчим хувь нь соёлын аялал жуулчлал бөгөөд жуулчид Соёлын өвийн газрууд, биет болон биест бус өвүүдэд татагдаж аялдаг. Үүнээс гадна амьдарч буй ахуй, ялгарал, хоолны соёл, соёлын бүтээлч үйлдвэрлэл ч нөлөөлдөг.
БНСУ-ын хувьд ”BTS” хамтлаг дотоодын эдийн засагт жилд 4.9 тэрбум ам.долларын орлогыг бүрдүүлж, ДНБ-ний 0.3 хувийг дангаараа бүрдүүлж буй жишээ байна.
Монгол Улсад хүрэлцэн ирж буй нийт жуулчдын 40 орчим хувь нь байгаль орчинд, 30 орчим хувь нь нүүдлийн соёлд татагдаж ирж байна гэж үздэг" хэмээн МҮХАҮТ-ын Ерөнхий нарийн бичгийн дарга С.Баясгалан хэлэлцүүлэгт оролцох үеэрээ онцлов.
