Залуусын бизнес сэтгэлгээг хөгжүүлэх, чадавхжуулах “ЦойлогсоZ” төслийн “Z Networking Conference 2022” арга хэмжээ ХОЁР дахь жилдээ
МҮХАҮТ-ын дэргэхэд ЦойлогсоZ төслөөс 11 дүгээр сарын 19-нд бусдаас суралцаж, хөгжин дэвшиж, танилын хүрээгээ тэлэн “нэтворкинг” хийх хүсэлтэй салбар бүрийн төлөөлөл болсон 18-26 насны залуус “Z Networking Conference 2022” арга хэмжээг “Youth Identity” сэдвийн хүрээнд зохион байгуулах гэж байна.
Тус арга хэмжээнд 30’000 орчим залуу цахимаар, 700 гаруй залуу биечилж цуглан Б.Мандуул (“ONDO” компанийн маркетинг хариуцсан захирал), Д.Бум-Эрдэнэ (“MMCG” судалгааны компанийн гүйцэтгэх захирал), С.Батцэнгэл (Metaforce компанийн гүйцэтгэх захирал), Т.Нансалмаа (On’n Off продакшны гүйцэтгэх захирал) зэрэг эрхмүүд хүрэлцэн ирж, нээлттэй ярилцан, өөрсдийн түүх туршлагаа хуваалцах юм.
Та арга хэмжээнд оролцсоноор залуус:
- Нэтворкинг хөтөлбөрт оролцож танилын хүрээгээ тэлнэ;
- “Харвард бизнес академи”-ийн албан ёсны сургалтад хамрагдаж, батламж авна;
- Салбарын мэргэжилтнүүдийн биечилсэн болон виртуал илтгэлийг сонсоно;
- Залуус болон экспертүүдийн хэлэлцүүлэгт оролцохоос гадна дуу хөгжим, амьд тоглолтоос бүрдсэн энтертайнмэнт хөтөлбөр таныг хүлээж байна. Мөн 1500$ үнэтэй сургалтын эрхийг танхимд хүрэлцэн ирсэн нэг залууд бэлэглэнэ.
Стратегийн түнш: “Монголын Худалдаа Аж Үйлдвэрийн Танхим”, “Богд” банк, “ONDO” компани, Metaland Metaverse
Ерөнхий ивээн тэтгэгч: ”Оюуны Ундраа” групп, Voo, Pepsi Mongolia
Хамтран зохион байгуулагч: On'n Off Production House, Blu Clothing Studio, Business academy, Institute of Continuing Education and Research, Alphabook
Дэмжигч: Worki, Melearn, Mplus
Хэвлэлийн мэдээллийн хамтрагч: “Тэнгэр” телевиз, Unread, Itoim, HumanZ, Yolo, Gej yu ve?, Positive dadal, Unnu news, Astrology, Pinkonism
ЦойлогсоZ төсөл нь Z үеийн залуусын онцлог, чадвар, авьяас дээр тулгуурлан залуусыг хөгжүүлэхэд оновчтой шийдэл санал болгож; ирээдүйд дотоодын болоод олон улсын хөдөлмөрийн зах зээлд өрсөлдөхөд шаардлагатай чадвар, хандлагуудыг эзэмшсэн баялаг бүтээгчдийг бэлтгэх; энтрепренер хандлагатай шинэ үеийн бизнес эрхлэгчдийг төрүүлэн гаргахад чиглэсэн залуусын хамтын ажиллагааг дэмжих төсөл юм. Тэд өнгөрсөн 5 дугаар сарын 27-нд “Лантуун Дохио” ТББ-тай хамтран 1000 хүний “Update 2022” арга хэмжээг зохион байгуулж байсан туршлагатай билээ.
Арга хэмжээний тухай дэлгэрэнгүй мэдээллийг ЭНД дарж;
Тасалбарыг ЭНД дарж аваарай.
It's not only an event.
It's Z Networking Conference.
