Итгэмжлэгдсэн лабораториуд: Стандарт, аргачлалын шинэчлэл, хүний нөөцийн асуудал тулгамдаж байна

2022/11/10 0

Дэлхийн чанарын 7 хоногийн хүрээнд “Чанар-Стандартын хэрэгжилт” уриан дор Үндэсний чанарын чуулганыг зохион байгуулахаар бэлтгэж буй бөгөөд чуулганыг угтан Стандарт, хэмжил зүйн газар, МҮХАҮТ хамтран “Итгэмжлэгдсэн лабораториудын өнөөгийн байдал” урьдчилсан хэлэлцүүлгийг зохион байгууллаа.

Хэлэлцүүлэгт МҮХАҮТ-ын дэргэдэх Итгэмжлэгдсэн лабораториудын зөвлөл, Үндэсний итгэмжлэлийн төв болон төр, хувийн хэвшлийн лабораториудын төлөөлөл оролцож, өнөөгийн байдал, тулгамдаж буй асуудлууд, гарц шийдлийн талаар ярилцав.

Хэлэлцүүлгийг нээж МҮХАҮТ-ын орлогч дарга Б.Намжилсүрэн үг хэлж, СХЗГ-ын Бүтээгдэхүүн, тогтолцооны баталгаажуулалтын газрын дарга В.Ганзориг Үндэсний чанарын чуулган-2022 зохион байгуулахтай холбоотой мэдээллийг, Лаборатори итгэмжлэлийн тогтолцооны талаар Үндэсний итгэмжлэлийн төвийн дарга С.Соронзонболд, Итгэмжлэгдсэн лабораториудын өнөөгийн байдлын талаар Усны газрын Усны хяналт шинжилгээний хэлтсийн ахлах мэргэжилтэн Д.Мөнхзул тус тус танилцуулав.

Мөн хувийн хэвшлийн лабораторийг төлөөлж, “Ногоон титэм аналитикс” ХХК-ийн захирал Б.Алтангэрэл Итгэмжлэгдсэн лабораториудын тулгамдаж буй асуудал, “Barloworld Mongolia” ХХК-ийн лабораторийн менежер Ц.Болормаа Олон улсын туршлагын талаар танилцуулга хийлээ.

Итгэмжлэгдсэн лабораториудын хувьд хүний нөөцийн асуудал нэн түрүүнд тулгамдаж байгааг салбарынхан хэлж байна. Мөн одоо байгаа ажиллах хүчнээ давтан сургах, чадавхжуулах чухал гэв. Тоног төхөөрөмж, урвалж бодисын хүрэлцээ, тэдгээрийн худалдан авалтад гардаг хүндрэлүүдийг шийдвэрлэх, төрийн болон хувийн хэвшлийн лабораториудын уялдаа холбоо, хамтын ажиллагааг сайжруулах, лабораториудын үр дүнг харилцан хүлээн зөвшөөрөхгүй байх тохиолдолд маргааныг хэрхэн таслах, хуучин стандартыг шинэчлэх, нэр томьёоны зөрүүтэй байдлыг арилгах, итгэмжлэлийн байгууллагууд шинжилгээндээ олон улсын арга, аргачлалыг хэрэглэх зэрэг саналууд хэлэлцүүлгийн үеэр гарлаа.

Өнөөдрийн байдлаар манай улсад: