Харвард Менеж-Ментор хөтөлбөрийн Монгол дахь төгсөлт боллоо
МҮХАҮТ-ын дэргэдэх Бизнес Академиас хэрэгжүүлж буй Харвард Бизнесийн сургуулийн Harvard ManageMentor (Харвард Менеж-Ментор) Монгол дахь хөтөлбөрийн төгсөлт боллоо.
Дэлхийн шилдэг боловсролыг эх орондоо, эх хэлээрээ эзэмшиж, менежерүүдэд манлайллын ур чадвар, карьераа өсгөх боломж олгож буй энэхүү хөтөлбөрийн гурав дахь курсыг 60 гаруй менежер, дунд, түүнээс дээш шатны удирдлагa төгсөж, Харвард Бизнес Паблишингийн албан ёсны сертификаттай боллоо.
“Harvard ManageMentor” хөтөлбөр Компанийн гүйцэтгэх удирдлагын багт тулгардаг сорилтуудыг даван туулах, оновчтой шийдвэр гаргах, удирдлагын хэв маяг, арга хэлбэрээ өөрчлөх, хамтын ажиллагааг шинэ түвшинд гаргахад чиглүүлэх болно.
Дэлхийн нэртэй эксперт, манлайлагчдын хамгийн сүүлийн үеийн чухал санаа, сэтгэлгээ, судалгаа, практикаар батлагдсан энэхүү менежментийн сургалт нь Өөрийгөө удирдах, Бусдыг удирдах, Бизнес удирдах гэсэн үндсэн 3 хэсэгтэй, нийт 42 модуль сэдэвтэй, 5 сарын хугацаанд үргэлжилдэг, цахимд суурилсан, сүүлийн 20 гаруй жилд тасралтгүй шинэчлэгдэж байгаа сургалтын цогц платформ юм.
