Мэдээлэл, технологийн үндэсний парктай оюуны өмчийг эргэлтэд оруулах чиглэлээр хамтран ажиллана

МҮХАҮТ, Мэдээлэл, технологийн үндэсний парктай хамтын ажиллагааны санамж бичиг байгууллаа. Мэдээлэл технологийн салбар, салбар дундын хувийн хэвшил хоорондын түншлэлийг дэмжих, оюуны өмчийг эргэлтэд оруулах дэд бүтэц, маркетинг, менежментийн эко тогтолцоог бүрдүүлэх Санамж бичгийн хүрээнд:

• Гарааны компаниуд, Танхимын гишүүд хоорондын түншлэлийг өргөжүүлэх, зуучлах, тэдгээрийн үйл ажиллагааг дотоод болон олон улсад таниулан сурталчлах ажлыг зохион байгуулах;
• Технологи дамжуулах ажлыг зохион байгуулах замаар үндэсний хэмжээний туршлагыг бий болгох;
• Боловсон хүчнийг чадавхжуулах, дэмжих зорилгоор эрдэм шинжилгээний бага хурал, семинар, симпозиум, уулзалт, үзэсгэлэн, дугуй ширээний ярилцлага зохион байгуулах;
• Шинжлэх ухаан болон мэдээллийн технологийн сүүлийн үеийн шинэлэг мэдээллүүдийг харилцан солилцох зэрэг чиглэлүүдээр хамтран ажиллах юм.