(+976) 7727-7070
info@mongolchamber.mn
08:30 - 17:30
Ажлын цаг

“Монголын Худалдааны Төв” Хөх Хотын гаалийн чөлөөт бүсэд байгуулагдана

2022/10/03 0

МҮХАҮТ-ын дарга Т.Дүүрэн, Монгол Улсаас Хөх хотод суугаа Ерөнхий консулын газрын дэд консул тэргүүтэй төлөөлөл ӨМӨЗО-ны Олон Улсын Худалдааг дэмжих хороо (CCPIT)-ны төлөөлөгчидтэй уулзалт хийв. Энэ үеэр хамтарсан ажлын хэсэг байгуулж, Хөх хот дахь “Монголын худалдааны төв”-ийн ТЭЗҮ-ийг 2023 оны нэгдүгээр сарын эхээр хийж дуусгахаар тохиролцлоо.

ӨМӨЗО-ны Засгийн газар, Монгол Улсын ХХААХҮЯ хооронд Хөх хотод “Монголын худалдааны төв” байгуулах санамж бичгийг 2016 онд Монгол-Хятадын анхны экспо зохион байгуулах үеэр байгуулсан. Гэсэн хэдий ч төслийн хэрэгжилт удаашралтай байсан нь 2019 оны III экспогийн үед сэргэж, өнгөрсөн хугацаанд Өвөрмонголын талаас 2-3 байршлын талбайг санал болгон хэлэлцсэний үр дүнд шинээр байгуулагдсан Хөх хотын Гаалийн бүсэд байгуулахаар тогтоод байна. Тус төвийг ӨМӨЗО-ны Олон Улсын Худалдааг дэмжих хороо (CCPIT) дэмжиж ажиллахаа илэрхийлэв.

“Монголын худалдааны төв” нь нэмүү өртөг шингэсэн үйлдвэрлэл болон албан ёсны ил тод худалдааг дэмжих зорилготой. Өвөрмонголын зах зээлд худалдаалж буй бараа, бүтээгдэхүүн ихэвчлэн ганзагын хэлбэрээр буюу ихэнхдээ импортын бүртгэлгүй, татвар төлөхгүй замаар худалдаалагддаг тул тогтворгүй бизнес модельтой байдаг.

Монголын худалдааны төв байгуулагдах талбай нь гаалийн баталгаат бүс бөгөөд цахим худалдааны платформтой тул бараа агуулахаас цахимаар худалдаалагдсаны дараа татвар төлөх боломжтой. Мөн бараануудыг биет байдлаар сурталчлан үзүүлэх хотын төв дэх талбайг Өвөрмонголын талаас түрээсийн төлбөргүй гаргаж өгөх болсон байна.

Уул уурхайн бус экспортыг дэмжих тусгай санхүүжилт бий болгохоор МҮХАҮТ, Хөгжлийн банктай Санамж бичиг байгуулсан. Монголын худалдааны төв нь МҮХАҮТ-ын оролцоотой байгуулагдаж буй гадаад дахь хоёр дахь төв. Европын холбооны дэмжлэгтэйгээр Монгол Улсын Гадаад харилцааны яамтай хамтран хэрэгжүүлсэн Монголын худалдааг дэмжих ТРАМ төслийн хүрээнд бизнесийн орчин, экспортын бараа бүтээгдэхүүнийг Европын Холбооны хэрэглэгчид, бизнес эрхлэгчдэд сурталчлах Монголын Мэдээлэл, худалдааг дэмжих төвийг 2021 онд ХБНГУ-ын Берлин хотод нээсэн. 2023 онд ОХУ-ын Буриад Улс болон АНУ-д мөн төстэй төвийг нээхээр төлөвлөж байгаа бөгөөд ингэснээр нийт 4 төвөөр худалдаалах экспортын санхүүжилтийн эх үүсвэрийг Монголбанк, Хөгжлийн банк болон Засгийн газартай хамтран шийдвэрлэхээр ажиллаж байна.

Сүүлд нэмэгдсэн мэдээ
Хан Тэгри Мэд ХХК
2024/03/18
Өмгөөллийн Эф Би Эл Си ХХН
2024/03/18
Бизнес Академи ТЭСО Группийн хамтарсан хөтөлбөр эхэллээ
2024/03/18
Органик шөл ХХК
2024/03/18
Т.Дүүрэн: Бизнесийн сэргэлтээр ЖДҮҮ эрхлэгчдийг дэмжиж, үйлдвэрлэлийг нь тэлнэ
2024/03/18
Монголын бүтээлч үйлдвэрлэлийн нэгдсэн холбоо
2024/03/18
Юниверс Фүүдс ХХК
2024/03/18
Sky ticket and Travel LLC
2024/03/18
Шинэ Эрин Ойл ХХК
2024/03/18
Мандал капитал маркетс ҮЦК
2024/03/18
ЛЕТС ТРЭВЕЛ ХХК
2024/03/18
КОМОРЭБИ ПАРТНЕРС ХХК
2024/03/18
Арга Билэг Групп ХХК
2024/03/18
Монгол Улсын Боловсрол, Шинжлэх Ухааны Яам, МҮХАҮТ хоорондын хамтын ажиллагааны санамж бичиг байгууллаа
2024/03/18
RICH BRAND
2024/03/18
“Мэргэжлийн боловсрол, сургалтын хосмог тогтолцоог бий болгоход хамтран ажиллах” санамж бичгийг үзэглэлээ
2024/03/18
M БАНК
2024/03/18
"BIC Podcast" - ийн анхны дугаарт Юнител Группийн Эрсдэлийн удирдлага, Комплаенс хариуцсан дэд Захирал Л.Пагамсүрэн оролцож байна
2024/03/18
С.Дүүрэнжаргал: Оюуны өмчийн салбар бол зах зээл хаашаа чигтэй байгааг хамгийн түрүүнд олж мэдэх боломжтой салбар
2024/03/17
МҮХАҮТ-ын Ерөнхийлөгч Д.Энхтүвшин, дэд захирал Ц.Магнайбаатар нар “Шинэ Хархорум” хотын бүтээн байгуулалтыг хэрэгжүүлэх ерөнхий төлөвлөгөөний төсөлтэй танилцлаа
2024/03/15