"Улаанбаатар Экспо" төслийг БНХАУ-ын Экспорт, Импортын Банк санхүүжүүлнэ

МҮХАҮТ-ын дарга Т.Дүүрэн БНХАУ-ын Экспорт, импортын банк (Экзим)-ны Өвөрмонгол дахь салбарын Ерөнхийлөгч Чи Вэй-тэй “Улаанбаатар экспо” төслийн санхүүжилтийн асуудлаар уулзаж, санал солилцлоо.

Уулзалтын дүнд “Улаанбаатар экспо” төслийн бэлтгэл ажил бүрэн хангагдсаны дараа хөрөнгө оруулалтын зээлийн төслийн бичиг баримтын бэлтгэл ажлыг гүйцэтгэх банкны итгэмжлэгдсэн консалтингийн компанийг томилж ажиллахаар болов.

Тус төсөл хэрэгжсэнээр Монгол, БНХАУ, ОХУ-ын гадаад худалдааны дундын платформ бий болоод зогсохгүй нэмүү өртөг шингэсэн үйлдвэрлэлийг нэмэгдүүлэх, худалдааг ил тод болгох, орон нутгийн бүтээгдэхүүнийг олон улсын зах зээлд гаргах суурь болно гэж талууд үзэж байна.