"CEO RADAR" арга хэмжээний үеэр Бизнесийн ёс зүйн төвийн үйл ажиллагааг танилцууллаа
Бизнесийн Ёс зүйн Төв МҮХАҮТ-ын дэргэдэх Бизнес Академиас санаачилсан “CEO RADAR” арга хэмжээг хамтран зохион байгууллаа. Тус арга хэмжээнд 100 гаруй компанийн 300 орчим удирдах түвшний ажилтан уригдан оролцсон бөгөөд МҮХАҮТ-ын Ерөнхий нарийн бичгийн дарга С.Баясгалан “ЁСЗҮЙТЭЙ МАНЛАЙЛЪЯ” сэдвийн хүрээнд танилцуулга, мэдээлэл хийлээ.
Олон улсын хэмжээнд компаниудын баримталдаг бизнесийн ёс зүй, шударга байдлын үндсэн 7 зарчмын тогтолцооны талаар мэдээлэл хүргэсэн юм.
- Итгэл олох
- Чанарыг эрхэмлэх
- Эргэх холбоо үүсгэх
- Компанийн нийгмийн хариуцлага
- Үнэ цэнийг бий болгох
- Өөрчлөлтөд бэлэн байх
- Хүндлэлийг бий болгох эдгээр зарчмын тогтолцоог
Монгол Улсад нэвтрүүлэхээр “Рио Тинто Монгол” ХХК, “Транспэрэнси Интернэшл Монгол” ТББ, МҮХАҮТ-тай хамтран 2021 оноос эхлэн Бизнесийн ёс зүй, шударга байдлыг бэхжүүлэх төслийг хэрэгжүүлж эхэлсэн билээ.
Төслийн хүрээнд Бизнесийн Ёсзүйн төвийг байгуулан ажиллаж байгааг МҮХАҮТ-ын Ерөнхий нарийн бичгийн дарга С.Баясгалан мэдээлэлдээ онцлоод, тус төвийн өнгөрсөн нэг жилийн хугацаанд зохион байгуулсан сургалт, нөлөөллийн ажил, арга хэмжээ, Ёс зүйн төвийн цаашдын үйл ажиллагаа, хийх ажлын талаар танилцууллаа.
“CEO RADAR”-т хүрэлцэн ирсэн оролцогчид болон илтгэгч, панелистууд “Бизнесийн ёс зүйг үйл ажиллагааныхаа эхэнд тавих” хэрэгтэйг тодотгож, ёс зүйтэй бизнес эрхлэхийг уриалан, Бизнесийн ёс зүйн төвийн үйл ажиллагааг дэмжиж буйгаа илэрхийлэв.
