"Ханбогд кашмер" Миланд болсон "Emerging Talents Milan 2022" загварын шоунд амжилттай оролцлоо
МҮХАҮТ-ын Спонсор гишүүн "Ханбогд кашмер" Итали Улсын Милан хотноо зохион байгуулагдсан загварын ертөнцийн нэр хүндтэй төлөөлөгчид болон загвар зохион бүтээгчид хүрэлцэн ирдэг "Emerging Talents Milan 2022" загварын шоунд REGINA SS23 цуглуулгаа танилцууллаа.
Тус цуглуулга нь Монгол хатдын хувцас эдлэлийн тансаг загвар, хээ угалз, ховор нандин чимэг зүүлтийг орчин цагийн контемпорари урсгалтай хоршуулан эмэгтэй хүний гоо үзэсгэлэн, эрхэмсэг байдлыг феминист хэлбэрээр илэрхийлэхийг зорьсноороо онцлог аж.
REGINA SS23 цуглуулгыг Harpers Bazaar, Woman Madame Figaro, Fashion Magazine, elle зэрэг дэлхийн нэр хүндтэй сэтгүүлүүд онцолжээ. Доорх холбоосууд дээр дарж үзнэ үү.
Монгол Улсын уул уурхайн бус экспортыг нэмэгдүүлэхэд түүчээлэн, олон улсад Монгол ноолууран бүтээгдэхүүнийг сурталчлахад үнэтэй хувь нэмэр оруулж буй "Ханбогд кашмер"-ын хамт олонд баяр хүргэж, талархал илэрхийлье.
