МҮХАҮТ-ын Говь-Алтай аймаг дахь салбар Танхимын даргаар Г.Энхбаяр сонгогдлоо

МҮХАҮТ-ын Говь-Алтай аймаг дахь салбар Танхимын Бүх гишүүдийн хурал Алтай хотод боллоо. Хурлыг нээж МҮХАҮТ-ын орлогч дарга Б.Намжилсүрэн үг хэлж, мэндчилгээ дэвшүүлэв. Бүх гишүүдийн хуралд нийт 40 гаруй бизнес эрхлэгч оролцсон бөгөөд салбар Танхимын тэргүүлэгч 9 гишүүн болон даргыг шинээр сонголоо.

Салбар танхимын үйл ажиллагаа, санхүүгийн тайлангийн талаар Салбар танхимын дарга Л.Батжаргал мэдээлэл өгч, гишүүдийн асуултад хариуллаа. Хурлын дэгийг МҮХАҮТ-ын Гишүүнчлэлийн газрын дарга Ц.Магнайбаатар танилцуулж, хурлаар Говь-Алтай аймаг дахь салбар Танхимын даргаар Г.Энхбаяр сонгогдлоо.

Мөн хурлын эхэнд “Монгол Такс ТМЗ” компаниас “Татварын багц хуулийн хэрэгжилт”-ийн талаар бизнес эрхлэгчдэд зориулсан сургалт зохион байгуулсан юм.