МҮХАҮТ-ын Өвөрхангай аймаг дахь салбар танхимын даргаар Б.Ууганбаяр улиран сонгогдлоо
МҮХАҮТ-ын Өвөрхангай аймаг дахь салбар танхимын бүх гишүүдийн ээлжит хурал боллоо. Хуралд тус аймгийн Засаг дарга А.Ишдорж, Аймгийн ИТХ-ын дарга О.Пүрэвдорж, МҮХАҮТ-ын Орлогч дарга Б.Намжилсүрэн, Гишүүнчлэлийн газрын дарга Ц.Магнайбаатар болон МҮХАҮТ-ын гишүүд оролцов. Хурлын эхэнд аймгийн удирдлагуудтай уулзалт хэлэлцүүлэг хийж, "Монгол Такс ТМЗ” ХХК-аас Бизнес эрхлэгчдэд зориулсан Татварын багц хуулийн хэрэгжилтийн талаар, тус аймгийн НДХ-ээс Нийгмийн даатгалын хууль тогтоомжийн өөрчлөлт, "Super jump" олон улсын сургалтын интелект трэйнер Т.Буяндэлгэр "Бизнесийн манлайлал ба багийн ажиллагаа" сэдвүүдээр сургалт зохион байгууллаа.
Мөн 2017-2022 оны Салбар танхимын үйл ажиллагаа, санхүүгийн тайлан, 2020-2022 оны Өвөрхангайд үйлдвэрлэв төвийн үйл ажиллагааны тайланг хэлэлцэж хангалттай гэж дүгнэв. Тус салбар танхимын бүх гишүүдийн хурлаар Б.Ууганбаярыг 100 хувийн саналаар танхимын даргаар дахин сонголоо.
