“Монголын хүнс, чацарганы бүтээгдэхүүний Европын Холбоо руу хийх экспортын гүйцэтгэлийг сайжруулах нь” сургалтын II шат болов

Монгол Улсын худалдааг дэмжих “Гүүр” төсөл, МҮХАҮТ, “Монголын экспортын кластер сүлжээ” ТББ хамтран зохион байгуулсан “Монголын хүнс, чацарганы бүтээгдэхүүний Европын Холбоо руу хийх экспортын гүйцэтгэлийг сайжруулах нь” сургалтад Европын Холбооны улсууд руу экспорт хийж буй, хийхээр төлөвлөж буй ААН-ийн төлөөлөл 28 хүн оролцлоо.

Хүнс, чацарганы бүтээгдэхүүнийг ЕХ-руу экспортлоход дагаж мөрдөх зохицуулалтын болон зах зээлийн шаардлага, ЕХ-ны GSP+ бодлого, экспортыг нэмэгдүүлэх бодит таван алхмын талаар танилцуулж, хүнсний бүтээгдэхүүний экспортын кластерийг хөгжүүлэх хөтөлбөрийн талаар санал солилцов.