Монгол-Польшийн бизнес уулзалт зохион байгуулагдлаа

МҮХАҮТ нь Европын Бизнес клубтэй хамтран Монгол Улсад суугаа Бүгд Найрамдах Польш Улсын Элчин сайдын яамны дэмжлэгтэйгээр Монгол-Польшийн бизнес уулзалтыг зохион байгууллаа.

Бизнес уулзалтад Польшийн онгоц үйлдвэрлэгч, барилгын зураг төсөл, хүнс, хуулийн зөвлөх үйлчилгээний чиглэлийн 5, Монголын талаас 30 ААН оролцов.

Уулзалтыг нээж МҮХАҮТ-ын Дарга Т.Дүүрэн үг хэлсэн бол Бүгд Найрамдах Польш Улсаас Монгол Улсад суугаа Онц бөгөөд бүрэн эрхт Элчин сайд ноён Krzysztof Bojko мэндчилгээ дэвшүүллээ.

Польшийн аж ахуйн нэгжүүд үйл ажиллагааныхаа танилцуулгыг хийсний дараа компаниуд хоорондоо ганцаарчилсан уулзалтууд хийж, цаашдын хамтын ажиллагааны талаар санал солилцлоо.