МҮХАҮТ-ын удирдах зөвлөл хуралдлаа
МҮХАҮТ-ын Удирдах зөвлөлийн ээлжит хурал болж, 2021 оны бодлогын өмгөөлөл, үйл ажиллагаа, санхүүгийн тайлан, 2021 оны санхүүгийн тайланд хийсэн аудитын дүгнэлт, 2022 оны зорилго, үйл ажиллагааны үндсэн чиглэл, санхүүгийн төсвийг батлах зэрэг асуудлуудыг хэлэлцэн шийдвэрлэлээ.
Мөн хурлаар МҮХАҮТ-ын 2022 оны зорилго, үйл ажиллагааны үндсэн чиглэл, 2022 оны санхүүгийн төсвийг баталсан байна. Удирдах зөвлөлийн гишүүдээс 2020-2021 оны хүнд нөхцөл байдалд МҮХАҮТ-аас хэрэгжүүлсэн бодлогын өмгөөллийн болон бусад үйл ажиллагааг хангалттай гэж үнэлэв. Гишүүдийн зүгээс 2022 онд эдийн засагт томоохон үр нөлөөтэй төслүүдийг хэрэгжүүлэх, бизнест үзүүлж буй эрсдэлийг бууруулах мэргэжлийн ажиллах хүчний хомсдол, гадаадаас ажиллах хүч авах үйл явцыг хөнгөвчлөх, орон нутаг дахь ХАҮТ-ыг дэмжих зэрэгт илүү анхаарах шаардлага байгааг онцоллоо.
2022 онд МҮХАҮТ-ын удирдлагын зүгээс эдийн засгийн Шинэ сэргэлтийн бодлогын хүрээнд төр хувийн хэвшил хамтран ажиллах, төрийн үйлчилгээний хүнд суртал шат дамжлагыг бууруулах, томоохон төслүүдийг хөдөлгөхөд ач холбогдол өгч, илүү анхаарал хандуулж ажиллахаа илэрхийлэв.
