МҮХАҮТ-ын дэргэдэх Бизнес Академи Харвард бизнесийн сургуультай хамтын ажиллагаагаа өргөжүүллээ
Бизнес Академи нь бизнесийн боловсрол, менежментийн болон манлайлалын ур чадвар олгох сургалтын уламжлалт арга барилыг өөрчлөхөөр зорин ажиллаж байгаа билээ. Үүний хүрээнд танхимын гишүүн байгууллагууд болон компаниудын менежерээс дээш түвшний Гүйцэтгэх дээд удирдлагуудад Харвардын бизнес сургуулийн #Harvard_ManageMentor хөтөлбөрийг 2021 оноос хэрэгжүүлж эхэлсэн.
Бизнес академийн Захирал Д.Асралт хөтөлбөрийг тогтвортой үргэлжүүлэх, ахисан түвшний манлайлагчдад виртуал болон Харвардад очиж суралцах 6 модуль LEAP хөтөлбөрийг хэрэгжүүлэхээр “Харвард Бизнес Паблишн”-ын Higher education Дэд Ерөнхийлөгч Brandon Hight-тай санамж бичгийг зурлаа.
Энэхүү уулзалтад “Харвард Бизнес Паблишн”-ын Corporate learning Ерөнхийлөгч Douglas Beimler, “Харвард Бизнес Сургууль”-ийн Бизнес удирдлагын профессор Sophus Reinert, “Харвард Бизнес Сургууль”-ийн Бизнес удирдлагын профессор Gunnar Trumbull оролцлоо.
Цаашид Бизнес акедемийн зүгээс Харвардын сургалтын үндсэн хөтөлбөрүүдийг албан ёсны эрхтэйгээр хөтөлбөрүүддээ уялдуулан ашиглах боломжтой болж байна. Суралцагч, оролцогч төвтэй, асуудлыг олон талаас нь харах, хэлэлцүүлэгт суурилсан, критикал сэтгэлгээг хөгжүүлэх кейс ажиллах, шинэлэг сургалтын арга барилд шилжихээр болж байна.