Хариуцлагатай бизнес, шударга байдлын аргачлал хэвшүүлэх сургалтыг зохион байгууллаа
МҮХАҮТ-ын дэргэдэх Бизнесийн ёс зүйн төвөөс аж ахуйн нэгжүүдийн хариуцлагатай бизнесийн үйл ажиллагааг хэрэгжүүлэх чадавхийг бэхжүүлэх зорилгоор бизнесийн байгууллагын авлигаас урьдчилан сэргийлэх, ашиг сонирхлын зөрчлөөс ангид байхад дотоод хяналтыг хэрэгжүүлэх, байгууллага, удирдлага болон үйл ажиллагаа, нэр хүндийг энэ төрлийн эрсдэлээс хамгаалахад чиглэгдсэн, бодит кейс дээр суурилсан үнэлгээний аргачлал, зааварчилгаа болон сэдвүүдийн хүрээнд “Хариуцлагатай бизнес, бизнесийн шударга байдлын аргачлал хэвшүүлэх” сургалтыг зохион байгууллаа.
Энэхүү сургалтын хөтөлбөрийг МҮХАҮТ, Транспэрэнси Интернэшнл, Рио Тинто Монгол ХХК-ийн санаачилгаар хамтран хэрэгжүүлж байгаа “Бизнесийн ёс зүй, шударга байдлыг бэхжүүлэх төсөл”-ийн хүрээнд Транспарэнси Интернэшнл ОУБ-ын “Уул уурхай-Тогтвортой хөгжил хөтөлбөр”-ийн хүрээнд боловсруулагдсан аргачлалд суурилан болосвруулсан болно.
Мөн АТГ-ын УССГХ-ийн Ахлах мэргэжилтэн Д.Цэнд-Аюуш зочин илтгэгчээр оролцож, МУ-ын хууль тогтоомжийн зохицуулалт, хувийн хэвшлийн байгууллагуудад тулгамдаж буй асуудлуудын талаар танилцууллаа.
Энэ удаагийн сургалтад Капитрон банк, Эрдэнэс Таван Толгой ХК, Скайтел ХХК, Түмэн төмөрт ХХК, ЧПМ ХХК, ЖакарандаХХК, МУИС-ийн Бизнесийн сургууль, Сити их сургуулийн 20 гаруй төлөөлөл оролцлоо.
Бизнесийн ёс зүйн төвтэй холбогдох хаяг:
Утас: 99106084, 99051590
Цахим шуудан: bicentermn@gmail.com
Twitter: Бизнесийн ёс зүйн төв
Facebook: Бизнесийн ёс зүйн төв