МҮХАҮТ Тогтвортой ноос ноолуурын холбоотой хамтран ажиллана

МҮХАҮТ-ын дарга Т.Дүүрэн Тогтвортой ноос ноолуурын эвсэл (SFA)-ийн Их Британи дахь багийн Гадаад хамтын ажиллагаа, олон нийт хариуцсан менежер Д.Цэрэнбат болон Монгол дахь багийн төлөөллийг хүлээн авч уулзлаа.

Уулзалтын үеэр экспортыг нэмэгдүүлэх, малчид, хоршоо, үндэсний боловсруулах үйлдвэрийн бүтээгдэхүүнүүдийг гадаад зах зээлтэй холбох, таниулах, харилцан туршлага солилцох зэрэг хамтын ажиллагааны боломжуудын талаар санал солилцов.

МҮХАҮТ болон Тогтвортой ноос ноолуурын эвсэл хамтран ажиллах төлөвлөгөө гаргахаар тогтлоо.

Тогтвортой Ноос Ноолуурын Эвсэл-Sustainable Fibre Alliance нь малчдын амьжиргааг сайжруулах, байгаль орчинд ээлтэй үйл ажиллагааг эрхэмлэх зорилготой гишүүд нэгдэн ажилладаг олон улсын эвсэл юм.